Oʻzbekiston U-23 terma jamoasining Osiyo chempionati saralashi uchun yakuniy tarkibi maʼlum boʻldi.

Oʻzbekiston Futbol Assotsiatsiyasi xabariga koʻra, ushbu musobaqada 2003-yil va undan keyin tugʻilgan futbolchilar ishtirok etishlari mumkin, biroq Milliy terma jamoaga jalb etilgan yosh futbolchilar – Abduqodir Husanov va Abbosbek Fayzullayev bunga jalb etilmagan.

Oʻzbekiston U-23 terma jamoasining tarkibi:

Darvozabonlar – Otabek Boymurodov (“Buxoro”), Samandar Muratboyev (“Olimpik-Mobiuz”), Edem Neʼmanov (“Dinamo”).

Himoyachilar – Diyor Ortiqboyev (“Xorazm”), Otabek Ahadov (“Soʻgʻdiyona”), Izzatulla Poʻlatov (“Buxoro”), Mahmud Muhammadjonov (“Dinamo”), Muhammadrasul Abdumajidov (“Paxtakor”), Saidafzal Ahrorov (OKMK), Jahongir Oʻrozov (“Dinamo”), Dilshod Abdullayev (“Paxtakor”), Zafarmurod Abdurahmatov (“Nasaf”).

Yarim himoyachilar – Umarali Rahmonaliyev (“Sabax”), Behroʻz Asqarov (“Paxtakor”), Ravshan Xayrullayev (“Buxoro”), Sherzod Esonov (erkin agent), Sardor Bahromov (“Buxoro”), Oybek Oʻrmonjonov (“Dinamo”), Muhammadali Oʻrinboyev (“Antverpen”), Nodir Abdurazzoqov (OKMK), Asilbek Jumayev (“Surxon”).

Hujumchilar – Zafar Xolmurodov (OKMK), Samandar Mavlonqulov (“Soʻgʻdiyona”), Rustam Turdimurodov (“Surxon”).

Eslatib oʻtamiz, saralash oʻyinlari 3-9-sentyabr kunlari boʻlib oʻtadi. Oʻzbekiston olimpiya terma jamoasi joy olgan guruhga Bishkek shahri mezbonlik qiladi. Ushbu guruhda Oʻzbekiston U-23 jamoasidan tashqari Qirgʻiz Respublikasi, Falastin va Shri-Lanka jamoalari ham qatnashadi.