Ostona aeroportiga favqulodda qoʻngan samolyot yoʻlakdan chiqib ketdi
Foto: Ostona aeroporti axborot xizmati
Shveysariya aviakompaniyasiga tegishli samolyot Qozogʻiston poytaxtidagi aeroportga favqulodda qoʻnib, ekipaj xatosi tufayli yoʻlakdan chiqib ketdi. Bu haqda “Tengrinews” xabar berdi.
Qayd etilishicha, bugun, 17-avgust kuni mahalliy vaqt bilan soat 16:00 da Tokiodan Syurixga uchayotgan Boeing 777-300ER samolyoti Ostona aeroportiga favqulodda qoʻngan. Bunga 50 yoshli yoʻlovchida insult alomatlari aniqlangani sabab boʻlgan.
Maʼlumotlarga koʻra, samolyot muvaffaqiyatli qoʻnganidan soʻng, burilish chogʻida ekipaj xatosi tufayli sirgʻalib, yoʻlakdan chiqib ketgan. Hodisada jabrlanganlar borligi haqida xabar berilmagan.
Buning ortidan Ostona aeroporti barcha reyslar uchun ikki soatga yopilgan. Oqibatda bir qancha muntazam reyslar kechiktirilgan.
Tavsiya etamiz
Ko‘p o‘qilganlar
- Saudiya Arabistonida “Oʻzbekiston madaniyati kunlari” davom etmoqda
- Toshkentda “Oʻzbekkosmos” va “NASA” agentliklari hamkorligida “NASA Space Apps Challenge 2025” Hakaton tadbiri oʻtkazilmoqda
- Super oy: Bugun Yerning tabiiy yoʻldoshi odatdagidan ancha katta koʻrinmoqda
- JSST: Gʻazoda birorta shifoxona toʻliq ishlamayapti
- Aholi va qishloq xoʻjaligini roʻyxatga olishga tayyorgarlik koʻrish va uni oʻtkazish tartibi belgilandi
- Markaziy Osiyo pedagoglari Nukusda jam boʻldi
Izohlar
Hozircha hech kim fikr bildirmagan. Balki Siz birinchilardan bo'larsiz?
Izoh qoldirish uchun tizimga kiring