Foto: Sport vazirligi

Poytaxtimiz mezbonligida oʻtayotgan Osiyo Olimpiya kengashining 46-Bosh Assambleyasida tashkilot Prezidentligiga saylov tadbiri tashkil etildi.

Saylov jarayonida ishtirokchilar tomonidan bir ovozdan Milliy Olimpiya qoʻmitalari assotsiatsiyasi (ANOC) raisining birinchi oʻrinbosari, Qatar Olimpiya qoʻmitasi prezidenti Shayx Javʼan bin Hamad Ol Soniy nomzodi maʼqullandi.

Oʻzbekiston Respublikasi Sport vazirligi va sport hamjamiyati Janob Shayx Javʼan bin Hamad Ol Soniyga ushbu masʼuliyatli lavozimdagi faoliyatida omad va zafarlar tilaydi.

OOK 46-Bosh Assambleyasida 2026-yilda Riyod (Saudiya Arabistoni) shahrida oʻtkaziladigan “Yopiq inshootlar va jangovar sport turlari boʻyicha Osiyo oʻyinlari” sport musobaqalari yuzasidan hisobotlar tinglandi.

Bosh Assambleya tadbirlarida OOK tegishli yoʻnalishlardagi ijroiya qoʻmitasi rahbariyatlari ham oʻz hisobotlari bilan ishtirok etishdi.

Jumladan: Maslahat qoʻmitasi raisi Ser Miang, Sportchilar qoʻmitasi raisi Ning Ding, Madaniyat qoʻmitasi raisi Battushig Batbold hamda Taʼlim qoʻmitasi raisi shahzoda Fahad Al Saud kabi rahbarlar oʻz yoʻnalishlaridagi hisobotlarni ishtirokchilarga taqdim etdi.