Foto: Anadolu

Yevropa Ittifoqining moliyaviy yordamini qisqartirish Ukraina prezidenti Vladimir Zelenskiyning korrupsiyaga qarshi kurash agentliklariga nisbatan amalga oshirgan xatti-harakatlari tufayli muvaffaqiyatsizlikka uchragan. Bu haqda “New York Times” nashri oʻz manbalariga tayanib xabar tarqatdi.

“Zelenskiyning oʻzi yordamning qisqartirilgani haqida ochiqchasiga izoh bermadi, bu har qanday holatda ham ukrainalik siyosatchi uchun omadsizlik boʻldi”, — deyiladi nashrda.

Sharh muallifi Zelenskiy Yevropaning moliyaviy koʻmagiga bogʻliqligini, ayniqsa AQSH koʻmagi yoʻqligini eslatdi.

Juma kuni Yevrokomissiya vakili Giyom Mersiyer Kiyev bir necha islohotlarni amalga oshira olmagani sababli Yevropa Ittifoqi Ukrainaga yordam berishning toʻrtinchi transhini joriy yilda Ukrainaga yordam dasturini qisqartirishini aytdi.

Uning soʻzlariga koʻra, bu markazsizlashtirish islohotlari, Aktivlarni qidirish va boshqarish milliy agentligi, shuningdek, Korrupsiyaga qarshi kurash boʻyicha Oliy sudga sudyalarni tanlash bilan bogʻliq.

Seshanba kuni Oliy Rada ikki aksilkorrupsiya idorasi: Ukraina Milliy antikorrupsiya byurosi va Korrupsiyaga qarshi ixtisoslashtirilgan prokuraturasining mustaqilligini bekor qiluvchi qonun loyihasini qoʻllab-quvvatladi. Keyinchalik qonun loyihasini Zelenskiy ham imzoladi. Bir qator ukrainalik parlamentariylar qonun loyihasini mamlakatdagi korrupsiyaga qarshi tuzilmalarni tugatish sifatida baholadi. Ukraina ommaviy axborot vositalarining xabar berishicha, seshanba kunidan beri butun mamlakat boʻylab Ukraina Milliy antikorrupsiya byurosi va Korrupsiyaga qarshi ixtisoslashtirilgan prokuraturasi mustaqilligini bekor qiluvchi qabul qilingan qonunga qarshi norozilik namoyishlari oʻtkazilmoqda.

Ukraina boʻylab ommaviy norozilik namoyishlari paytida Zelenskiy payshanba kuni Ukraina Milliy antikorrupsiya byurosi va Korrupsiyaga qarshi ixtisoslashtirilgan prokuraturasi toʻgʻrisidagi qonun loyihasini Radaga taqdim etdi va u bilan goʻyo bu organlarning mustaqilligini mustahkamlashga vaʼda berdi. Keyinroq Ukraina parlamenti spikeri Ruslan Stefanchuk Rada qonun loyihasini 31-iyulda koʻrib chiqishini maʼlum qildi. Stefanchuk qonun loyihasini birdaniga birinchi va ikkinchi oʻqishda qabul qilishni taklif qilishini, shuningdek, darhol Zelenskiyga imzolash uchun yuborishini qoʻshimcha qildi.

G7 davlatlarining elchilari Ukraina xavfsizlik xizmatining Ukraina Milliy antikorrupsiya byurosi va Korrupsiyaga qarshi ixtisoslashtirilgan prokuraturasi boʻyicha tergovidan jiddiy xavotir bildirdilar.