Naʼmatak plantatsiyalari kengaymoqda
Pop tumanida oziq-ovqat va farmatsevtika sanoati uchun muhim xomashyo hisoblangan naʼmatak mevasini yetishtirish keng yoʻlga qoʻyilgan. Suvsizlikka chidamli va koʻp mehnat talab qilmaydigan oʻsimlik asosan hududning kam suv hamda samaradorligi past boʻlgan, dehqonlar uchun uzoq muddatga ijaraga berilgan ming gektardan ortiq ekinzorlarda parvarishlanyapti.
— Oʻtgan mavsumda bir gektarlik naʼmatakzorimdan 100 million soʻmdan koʻproq daromad oldim, — deydi ijarachi bogʻbon Ikromjon Akbaraliyev. — Bu oʻsimlik koʻchatlari tabiiy ravishda koʻpayishi hisobiga joriy yil ushbu koʻrsatkich yanada ortishidan umidvorman.
Tumandagi eksportchi klaster tomonidan 206 gektar maydondagi plantatsiyalarda dorivor oʻsimlik parvarishi yoʻlga qoʻyilgan. Oʻtgan yili gektarlar samaradorligi 40 sentnerga yetkazilib, 850 tonna hosil yigʻib olindi. Uning katta qismi Rossiya, Qozogʻiston va Birlashgan Arab Amirligidagi hamkorlarga yuborildi.
Qudratilla NAJMIDDINOV
“Xalq soʻzi”
Tavsiya etamiz
Ko‘p o‘qilganlar
- “Nigilist pingvin”. Ruhan ezilgan va hayotdan maʼno izlayotganlar uchun noodatiy mem ommalashmoqda
- Prezident Oʻzbekiston bojxona sohasi xodimlariga tabrik yoʻlladi
- Toshkentda Osiyo Olimpiya kengashiga yangi rahbar saylandi (+fotoreportaj)
- Oʻzbekiston armiyasi Markaziy Osiyoda birinchi o'rinda — dunyo armiyalari reytingi eʼlon qilindi
- “Yangi Oʻzbekiston yulduzlari” milliy mukofoti xalqaro darajaga koʻtarilmoqda
- AQSH Adliya vazirligi Epshteyn ishi boʻyicha 3 millionta faylni eʼlon qildi
Izohlar
Hozircha hech kim fikr bildirmagan. Balki Siz birinchilardan bo'larsiz?
Izoh qoldirish uchun tizimga kiring