Namanganda 17 yoshli oʻquvchi boshqargan “Gentra” YTHga uchradi
Foto: Videodan kadr
Namangan shahrida ichida maktab va texnikum oʻquvchilari boʻlgan “Gentra” yoʻl-transport hodisasiga uchradi. Bu haqda “Avtopatrul+” dasturida xabar berildi.
Maʼlum qilinishicha, hodisa 2-oktyabr kuni soat 11:00 lar atrofida shaharning Margʻilon koʻchasida sodir boʻlgan. 5 nafar oʻquvchi “Gentra” mashinasini ijaraga olib, katta tezlikda boshqarib borayotganida yoʻlning qarama-qarshi tomoniga chiqib ketgan. Yoʻl oʻrtasidagi beton toʻsiqdan oshib oʻtgan mashina ZIL'ga borib urilgan.
YTH oqibatida rul boshqaruvida boʻlgan, 17 yoshli oʻsmir vafot etgan. Shuningdek, 2007-yilda tugʻilgan 3 nafar hamda 2009-yilda tugʻilgan 1 nafar oʻsmir ogʻir tan jarohati olib, RSHTYOIM Namangan viloyati filiali jonlantirish boʻlimiga yotqizilgan.
Markaz shifokorining bildirishicha, ulardan birida klinik oʻlim holati kuzatilgan va koʻrsatilgan tibbiy yordam tufayli hayoti saqlab qolingan. Hozirda ularning barchasi koma holatida va sunʼiy nafas olish apparatiga ulangan.
Viloyat IIB YHXB hodisa yuzasidan hali rasmiy munosabat bildirgani yoʻq.
Tavsiya etamiz
Ko‘p o‘qilganlar
- 21-oktyabr – Oʻzbek tili bayrami kuni
- Oʻz xalqini Siz kabi chin dildan sevadigan davlat rahbarini uchratmadim – “ACWA Power” kompaniyasi boshqaruvi raisi Muhammad Abunayyan
- Oʻzbekiston tasviriy sanʼat galereyasida Samarqand maktabining yangi nafasi
- Ish bilan bogʻliq baxtsiz hodisalar va kasbga oid kasalliklar haqidagi maʼlumotlarning yaxlit tizimi yoʻqligi koʻrsatib oʻtildi
- Toshkentda diplomatik vakolatxonalar va xalqaro tashkilotlar oʻrtasida XІX xalqaro mini-futbol turniri tashkil etildi
- Har bir hududda “Kasaba uyushmalari bogʻlari” tashkil etiladi
Izohlar
Hozircha hech kim fikr bildirmagan. Balki Siz birinchilardan bo'larsiz?
Izoh qoldirish uchun tizimga kiring