MMA assotsiatsiyasi raisi Habib Nurmagomedov bilan uchrashuv oʻtkazdi

Foto: IIV
MMA yulduzi, sobiq UFC chempioni Habib Nurmagomedov Aralash jang sanʼati faoliyati bilan tanishish maqsadida Oʻzbekistonga keldi. Bu haqda Ichki ishlar vazirligi axborot xizmati xabar berdi.
Maʼlum qilinishicha, Nurmagomedovning tashrifi Oʻzbekiston Aralash jang sanʼati assotsiatsiyasi taklifiga muvofiq tashkil etilgan. Mehmonni uyushmaning rasmiy manzilgohi Ichki ishlar vazirligi huzuridagi “Jar” sport majmuasida Oʻzbekiston Aralash jang sanʼati assotsiatsiyasi raisi Aziz Tashpulatov, Milliy olimpiya qoʻmitasi raisining birinchi oʻrinbosari hamda Osiyo Olimpiya kengashi vitse-prezidenti Otabek Umarov, Milliy olimpiya qoʻmitasi Bosh kotibi Oybek Qosimov, Oʻzbekiston Aralash jang sanʼati assotsiatsiyasi rahbariyati, Oʻzbekiston terma jamoasi murabbiylari hamda sportchilar kutib olgan.

Tadbir jarayonida Oʻzbekistonda mazkur sport sohasini yanada rivojlantirish, aralash jang sanʼatini ommalashtirish va xalqaro tajriba almashish imkoniyatlari muhokama qilingan.
Habib Nurmagomedov uchrashuv chogʻida oʻz tajribasidan kelib chiqib, sportchilarni professional tayyorlash boʻyicha tavsiyalar berib, Oʻzbekistonda sport salohiyati yuqori ekanini alohida taʼkidlagan.
“Hozirgi kunda Oʻzbekiston boks sportida dunyoda yetakchilik qilib, eng koʻp oltin medallarni qoʻlga kiritayotgan davlat sifatida timsollanib kelmoqda. Ishonamanki, agar oʻzbekistonlik yoshlarga boshqa sport turlarida, xususan aralash jang sanʼatida sharoit yaratilib, toʻgʻri yoʻnalish berilsa, yaqin kelajakda dunyo sahnasida kuchli sportchilar orasida yetakchilik qilishadi”, degan u.
Uchrashuvda aralash jang sanʼati boʻyicha oʻquv-mashgʻulot yigʻinlari tashkil etish, xalqaro musobaqalar oʻtkazish hamda soha yoʻnalishida murabbiy va hakamlar malakasini oshirish dasturlarini ishlab chiqish kabi tashabbuslar rejalashtirilgan.

Shuningdek, Nurmagomedov yosh sportchilar bilan uchrashuv oʻtkazib, ularga motivatsion, tashabbusga undovchi nutq soʻzlagan va shaxsiy tajribasi bilan oʻrtoqlashgan.
Tavsiya etamiz
Ko‘p o‘qilganlar
- Saudiya Arabistonida “Oʻzbekiston madaniyati kunlari” davom etmoqda
- Toshkentda “Oʻzbekkosmos” va “NASA” agentliklari hamkorligida “NASA Space Apps Challenge 2025” Hakaton tadbiri oʻtkazilmoqda
- Super oy: Bugun Yerning tabiiy yoʻldoshi odatdagidan ancha katta koʻrinmoqda
- JSST: Gʻazoda birorta shifoxona toʻliq ishlamayapti
- Aholi va qishloq xoʻjaligini roʻyxatga olishga tayyorgarlik koʻrish va uni oʻtkazish tartibi belgilandi
- Markaziy Osiyo pedagoglari Nukusda jam boʻldi
Izohlar
Hozircha hech kim fikr bildirmagan. Balki Siz birinchilardan bo'larsiz?
Izoh qoldirish uchun tizimga kiring