AQSH va Rossiya Ukrainadagi urushni tugatish boʻyicha muzokaralarning navbatdagi bosqichini oʻtkazdilar. Bosh muzokarachilar ularning natijalari haqida ehtiyotkorlik bilan gapirishmoqda.

AQSH prezidentining maxsus elchisi Stiv Uitkoff X ijtimoiy tarmogʻida Rossiya tinchlikka intilayotganini va mojaroni hal qilishda AQSHning saʼy-harakatlari va qoʻllab-quvvatlashini yuqori baholagan. Vladimir Putinning yordamchisi Kirill Dmitriev muzokaralarni samarali va konstruktiv deb atadi.

Dmitriev Xʼda Mayamidagi plyaj fonida tushgan fotosuratini joylashtirdi va “Rahmat, Mayami. Keyingi safar Moskvada” yozuvi tushirilgan futbolkada namoyon boʻlgan.

Ukraina delegatsiyasi ham Mayamida boʻlgan, ammo rasmiy maʼlumot berilmagan. Shuningdek, muzokaralarda biror yutuqqa erishilganmi yoki yoʻq bu ham nomaʼlum.

BILD maʼlumotlariga koʻra, Kreml Kiyev bilan toʻgʻridan toʻgʻri muzokaralarni rad etgan. Rossiya va AQSH muzokaralarida Yevropa vakillari ham ishtirok etgani maʼlum.

Vashington eng qiyin bosqichlar hali oldinda ekanligini, ammo taraqqiyot borligini maʼlum qilgan.