Foto: Yunus Boʻriyev/“Xalq soʻzi”

Nordik universitetida yangi oʻquv yili boshlanishi munosabati bilan 15–18-sentyabr kunlari 1-kurs talabalariga moʻljallangan “Orientation week” oʻquv-tanishtiruv haftaligi oʻtkaziladi.

​

​

Bugun, 15-sentyabr kuni ushbu haftalikning dastlabki kuni boshlandi. Harbiy shon-shuhrat — “Jasorat” istirohat bogʻida tantanali ochilish tadbiri oʻtkazilib, talabalar jonli musiqa sadolari ostida kutib olindi.

​

​

Mazkur tadbir avvalida Davlat madhiyasi yangrab, harbiy orkestrning yurt madhiga uygʻun ijrolari, faxriy qorovulning tantanali saf tortishi va universitet rektori Sherzod Mustafakulov hamda faxriy mehmonlarning samimiy tabrik soʻzlari bilan boshlandi.

​

​

Bayramona boshlangan dastur samimiy muloqotlar va universitet binosiga sayohat bilan davom etdi. Yangi talabalar auditoriyalarda oʻz guruhlarida jamlanib, ularga universitetning odob-axloq qoidalari, korporativ etika kodeksi hamda taʼlim jarayonidagi kredit-modul tizimi haqida batafsil maʼlumotlar berildi.

​

​

“Orientation week” oʻquv-tanishtiruv haftaligi davomida oliygoh boʻylab sayohat, koʻrgazmalar, talabalar klublari yarmarkasi, maxsus fotozonalar tashkil qilingan. Barcha jarayonlarda talabalarning oliygohga amaliy moslashuviga eʼtibor qaratilgan.

​

​

Pizza party – talabalar oʻrtasida samimiylikni mustahkamlovchi oʻziga xos davra boʻlib, ijtimoiy-psixologik treninglar, tyutorlik mashgʻulotlari, HEMIS tizimidan foydalanish boʻyicha amaliy mashqlarda talaba-yoshlar katta qiziqish bilan ishtirok etdi.

​

​

Bundan tashqari, “Work and travel” dasturi, intellektual oʻyinlar, kitob mutolaasi boʻyicha interfaol suhbatlar oʻtkazildi.