“Istanbul Bashakshehir“ mehmonda gʻalaba qozondi
Bugun, 26-oktyabr kuni Turkiya Superligasining 10-turidan oʻrin olgan bahslar davom ettirildi. Kun doirasidan oʻrin olgan bahsda “Istanbul Bashakshehir“ jamoasi “Antalyaspor“ mehmoni boʻldi.
Uchrashuvda 4:0 hisobi bilan Istanbul klubi gʻalabaga erishdi. Gollarga Oʻzbekiston milliy terma jamoasi sardori Eldor Shomurodov (2 ta) va Nuno Da Kosta (2 ta) mualliflik qildi.
Oʻyindan soʻng, “Sofascore” portali Eldor Shomurodovni oʻyin qahramoni deb topdi. Futbolchining harakatlari portal tomonidan 8,7 ballga baholandi. Taʼkidlash kerakki, Shomurodov soʻnggi bor 2022-yilning 11-iyun sanasida “Sofascore” tomonidan 8,5 balldan yuqoriroqqa, aniqrogʻi, 10 ballga baholangan edi.
Oʻzbekiston milliy terma jamoasining yana bir futbolchisi Abbosbek Fayzullayev esa bugungi oʻyinni jarohati tufayli oʻtkazib yubordi.
Maʼlumot uchun, “Istanbul Bashakshehir“ keyingi oʻyinini 31-oktyabr kuni “Kosayelispor“ jamoasiga qarshi oʻtkazadi.
Tavsiya etamiz
Ko‘p o‘qilganlar
- Oʻzbekistondagi Islom sivilizatsiyasi markaziga kirish narxlari eʼlon qilindi
- Toshkent viloyatida Abdulla Oripov uy-muzeyi ochildi
- “Oʻzgidromet” shoshilinch ogohlantirish eʼlon qildi
- Fargʻonada Navroʻz: tinch-osoyishta hayot zavqi, dorilamon kunlar shukronasi...
- Ben Kingsli ishtirok etgan Islom sivilizatsiyasi markazi haqidagi film New York Festivals 2026 finaliga yoʻl oldi
- AQSH mudofaa xarajatlari tufayli NATO boʻyicha ittifoqchilarini himoya qilishdan voz kechishi mumkin
Izohlar
Hozircha hech kim fikr bildirmagan. Balki Siz birinchilardan bo'larsiz?
Izoh qoldirish uchun tizimga kiring