Isroil harbiylari yakshanba kuni Isroil va Suriya oʻrtasidagi Golan tepaliklari bufer zonasiga tanklarni joylashtirdi va oldinga harakat boshlashdi.

Yurish Isroilning 1973-yilda Yom Kippur urushi tugaganidan va 1974-yilgi oʻt ochishni toʻxtatishdan keyin birinchi marta “ochiq bostirib kirishi” boʻldi. Bu haqida “The New York Times” xabar bergan.

Isroil kuchlari chegaraning Suriya tomonidagi Xermon togʻining choʻqqisini, shuningdek, hududdagi nazoratni barqarorlashtirish uchun muhim deb topilgan boshqa bir qancha joylarni nazoratga olgan.

Dam olish kunlarida Isroil harbiy-havo kuchlari isyonchi kuchlar qoʻliga tushishi mumkin boʻlgan va Isroil tomonidan strategik tahdid sifatida koʻriladigan hukumat harbiy obyektlarini yoʻq qilish uchun ham zarbalar berdi.

Isroil harbiy voizi Avichay Adraeye yakshanba kuni bufer zonadagi beshta Suriya qishlogʻida komendantlik soati eʼlon qilib, aholiga keyingi ogohlantirishgacha uyda qolishni buyurdi. Bunda harbiylar Suriyaning ichki voqealariga aralashmasligini maʼlum qilgan.

Isroil rasmiylari va tahlilchilar al-Assad hukumatining qulashi Isroilga qarshi hujumlar uyushtirishga intilayotgan jangari guruhlarga kuch berishi mumkinligidan xavotirda ekanligini aytgan.

Bu holatda Netanyaxu harbiylar joylashtirilishi vaqtinchalik deb taʼkidlagan boʻlsa-da, Isroil Suriyadagi beqarorlikdan foydalanishga urinishi mumkinligidan ham xavf kelib chiqmoqda.