Ilon Maskning xAI kompaniyasi Apple va OpenAIʼni sudga berdi
Foto: Reuters/Nathan Howard
Milliarder Ilon Maskka tegishli sunʼiy intellekt startapi xAI AQSHning Texas shtati federal sudiga Apple va ChatGPTʼni yaratgan OpenAI kompaniyalariga qarshi daʼvo arizasi kiritdi. Bu haqda Forbes xabar berdi.
Mask kompaniyasi ularni sunʼiy intellekt sohasida raqobatga toʻsqinlik qilish maqsadida noqonuniy til biriktirishda ayblamoqda.
Ish materiallarida aytilishicha, Apple va OpenAI bozorlarni egallab, “oʻz monopoliyasini saqlab qolish va xAI kabi yangi kompaniyalarga raqobat imkoniyatini bermaslikka” harakat qilgan.
Hujjatga koʻra, Apple OpenAI bilan tuzgan hamkorlik doirasida ChatGPTʼni iPhone, iPad va Mac operatsion tizimlariga integratsiya qilgan.
“Agar OpenAI bilan eksklyuziv kelishuv boʻlmaganida, Appleʼning X va Grok ilovalarini App Storeʼda pastroq oʻringa qoʻyishiga hech qanday sabab yoʻq edi”, — deyiladi daʼvo arizasida.
xAI kompaniyasi milliardlab dollar miqdorida zararni qoplab berishni talab qilmoqda.
Tavsiya etamiz
Ko‘p o‘qilganlar
- “Oʻtgan bahsda konsentratsiya biroz joyida emas edi. Shu sababli “jinnicha” xatolarga yoʻl qoʻydik” — Fabio Kannavaro
- AQSH mudofaa xarajatlari tufayli NATO boʻyicha ittifoqchilarini himoya qilishdan voz kechishi mumkin
- Ben Kingsli ishtirok etgan Islom sivilizatsiyasi markazi haqidagi film New York Festivals 2026 finaliga yoʻl oldi
- Shavkat Mirziyoyev Saudiya Arabistoni Podshohligi Valiahdi Muhammad bin Salmon Ol Saud bilan telefon orqali muloqot qildi
- Toshkentda qilichbozlikning sablya yoʻnalishi boʻyicha Jahon kubogi bosqichi start oldi
- “Dronlar dueli” yoxud Ukrainadan Erongacha boʻlgan sinov poligonlarida shakllangan yangi dunyo tartibi
Izohlar
Hozircha hech kim fikr bildirmagan. Balki Siz birinchilardan bo'larsiz?
Izoh qoldirish uchun tizimga kiring