Illyustrativ foto

Davlat organlari faolligining milliy reytingi joriy etish boʻyicha tashkiliy ishlar amalga oshirilmoqda, deb xabar berdi Oʻzbekiston Respublikasi Prezidenti huzuridagi Boshqaruv samaradorligi agentligi.

Prezident Farmoniga koʻra, 2026-yil 1-yanvardan boshlab quyidagi asosiy yoʻnalishlardagi erishilgan natijalar boʻyicha Davlat organlari faolligining milliy reytingi joriy etiladi:

• davlat organlarining inson resurslarini boshqarish va rivojlantirish samaradorligi;

• davlat xizmatlarini koʻrsatishning tezkorligi va sifati;

• davlat organlari va tashkilotlari faoliyatining ochiqligi;

• davlat organlari va tashkilotlarida korrupsiyaga qarshi kurashish ishlarining samaradorligi;

• davlat organlari va tashkilotlari faoliyatining raqamlashtirilganlik darajasi;

• respublika va mahalliy ijro etuvchi hokimiyat organlari rahbarlari va ular oʻrinbosarlarining faoliyati samaradorligi;

• normativ-huquqiy hujjatlar bilan joriy etilgan hamda davlat organlari va tashkilotlari faoliyati bilan bogʻliq boʻlgan boshqa reytinglar.

Reyting natijalariga koʻra, quyi pogʻonadagi davlat idoralarining ish usullarini oʻzgartirish, boshqaruv jarayonlarini optimallashtirish (BPR-reinjiniring) choralari amalga oshiriladi hamda Hukumat majlislarida rahbarlar faoliyatiga baho berib boriladi.