Umuman, oziq-ovqatni koʻpaytirishda eng katta zaxira boʻlgan 16 million gektar yaylov va 12 million gektar oʻrmon yerlaridan yetarlicha foydalanilmayotgani koʻrsatib oʻtildi.

Har bir tumanda 5 tadan, jami 1 ming 156 ta drayver loyiha infratuzilmasiga 300 milliard soʻm ajratilgan.

“Tomorqaga suv yetkazish uchun sarflangan 1 soʻm hisobidan hech boʻlmaganda 2-3 soʻmlik mahsulot yaratilsa, 662 ming oila mavsumda qoʻshimcha 5-6 million soʻm daromad koʻradi-ku!” – dedi davlatimiz rahbari.

Tizimdagi kamchiliklar hisobga olinib, Xalq qabulxonalarining barcha xodimlari bugundan boshlab ishdan boʻshatilishi va masalani hal qila oladigan fidoyi kadrlar bilan toʻldirilishi qayd etildi.

“Xalq qabulxonalari tizimi ham aholi dardini eshitib, masalalarni hal qilish oʻrniga murojaatlarni davlat tashkilotlariga taqsimlovchi “dispetcher”ga aylanib qoldi”, - dedi davlatimiz rahbari.

Bu tizim murojaatlarning yagona platformasi boʻladi va unga barcha vazirlik, idora, hokimliklar ulanadi.

“Nazorat inspeksiyasiga nima uchun shuncha vakolat berilgan? Vazirlarga yaxshi koʻrinish uchun, ular nimani bersa, shuni koʻtarib kelmasdan, masalalarni oʻrganib, aybdorlarni jazolash boʻyicha nega taklif kiritmaydi?”, - dedi davlatimiz rahbari.

Xalqaro moliya tashkilotlari mablagʻi hisobidan qurilayotgan yoʻl, suv, elektr boʻyicha 3-5-yillab choʻzilayotgan loyihalar borligi koʻrsatib oʻtildi.

Goʻsht, sut, parranda goʻshti va tuxum narxi keskin oshmasligi, korxonalar “soya”dan chiqib ishlashi uchun QQSning yarmini keshbek qilib qaytarish tartibi oʻtgan hafta tasdiqlangan edi.

Hukumatdagi masʼullar, vazirlar tartib-intizomga vaqtida eʼtibor bermagani uchun islohotlar ijrosi choʻzilib ketayotgani tanqid qilindi.