Andijonda qoramollarda yangi kasallik turi aniqlangani haqida tarqalgan xabarlar rad etildi
Illyustrativ foto
Ijtimoiy tarmoqlarda qoramollarda yangi kasallik uchrayotgani va Andijondagi qoramol va chorva bozorlari tozalov uchun yopilgani haqida xabarlar tarqaldi. Viloyat hokimligi mazkur xabarlar yuzasidan munosabat bildirdi.
Andijon viloyati veterinariya va chorvachilikni rivojlantirish boshqarmasi boshligʻi Dilmurod Qayumovga koʻra, viloyatdagi qoramollarda yangi kasallik turi aniqlanmagan va «yangi», deb aytilayotgan kasallik turi hududdagi qoramollarda mavjud emas.
«Bugungi kunda viloyatimizda epizodik vaziyat barqaror. Barcha tuman va shaharlarimizda shtablar tashkil qilingan boʻlib, doimiy faoliyat yuritib kelmoqda. Bundan tashqari, bozorlar veterinariya mutaxassislari tomonidan nazoratga olingan. Goʻsht va goʻsht mahsulotlari tekshiruvdan oʻtkazilib, isteʼmolga chiqarilmoqda», deydi u.
Qoʻshimcha qilinishicha, kasallikka gumon qilingan qoramollar nazoratga olinib, tahlil tekshiruvlari oʻtkazilmoqda, uning natijalari boʻyicha axborot beriladi.
Tavsiya etamiz
Ko‘p o‘qilganlar
- Saudiya Arabistonida “Oʻzbekiston madaniyati kunlari” davom etmoqda
- Toshkentda “Oʻzbekkosmos” va “NASA” agentliklari hamkorligida “NASA Space Apps Challenge 2025” Hakaton tadbiri oʻtkazilmoqda
- Super oy: Bugun Yerning tabiiy yoʻldoshi odatdagidan ancha katta koʻrinmoqda
- Aholi va qishloq xoʻjaligini roʻyxatga olishga tayyorgarlik koʻrish va uni oʻtkazish tartibi belgilandi
- Markaziy Osiyo pedagoglari Nukusda jam boʻldi
- Samarqandda YUNESKOning 43-sessiyasiga tayyorgarlik avjida
Izohlar
Hozircha hech kim fikr bildirmagan. Balki Siz birinchilardan bo'larsiz?
Izoh qoldirish uchun tizimga kiring