Foto: Bosh prokuratura huzuridagi Departament

Bosh prokuratura huzuridagi Departament Andijon viloyatida tadbirkorning 20 million soʻmini qoʻlga kiritgan ETK muhandislarini ushladi. Bu haqda Departamentning xabar berdi.

Maʼlum qilinishicha, Bosh prokuratura huzuridagi Departamentning Xoʻjaobod tumani boʻlimi, DXX va IIB xodimlari hamkorligida tadbirkorlik subyektlarining huquqlarini himoya qilish yuzasidan oʻtkazilgan tezkor tadbirda ushbu qonunbuzarlik qayd etilgan.

Qayd etilishicha, tuman elektr tarmoqlari korxonasi muhandisi Sh.V. “X.T.” MCHJga qarashli umumiy ovqatlanish oshxonasida elektr energiyasidan noqonuniy foydalanganligi holati boʻyicha rasmiylashtirilgan dalolatnomani yoʻq qilib berishi evaziga korxona rahbari X.T.ning 20 million soʻmini olgan vaqtida qoʻlga olingan.

Uning koʻrsatuviga asosan “Hududiy elektr tarmoqlari” AJ filiali maʼmuriy binosi oldida davom etgan tadbirda, Xoʻjaobod ETKning yana bir muhandisi A.A. muhandis Sh.V.dan 20 million soʻmni olib, shundan 5 million soʻmini qaytarib bergan vaqtida ashyoviy dalillar bilan ushlangan.

“Mazkur holatlar yuzasidan Jinoyat kodeksining 168-moddasi (firibgarlik) va 28, 211-moddasi (pora berish) bilan jinoyat ishi qoʻzgʻatilib, tergov harakatlari oʻtkazilmoqda”, deyiladi xabarda.

Avvalroq, 45-Butunjahon shaxmat Olimpiadasining 8-turida Serbiya va AQSH yurtdoshlarimizga raqib boʻlishi haqida xabar qilingandi.