Afgʻonistonda internet butunlay oʻchirildi
Afgʻoniston hududida internet butunlay yoʻqoldi. Bu haqda xalqaro veb-nazorat xizmati NetBlocks xabar berdi.
Tashkilot maʼlumotiga koʻra, mamlakatda internet tarmogʻi bosqichma-bosqich oʻchirilgan va ertalabdan boshlab asosiy operatorlar ishini toʻxtatgan. Ayrim telefon aloqalari ham cheklangan.
“Afgʻonistonda hozir toʻliq internet uzilishi kuzatilmoqda. Bir nechta tarmoqlar ertalab davomida bosqichma-bosqich oʻchirildi, ayni paytda telefon xizmatlari ham taʼsir koʻrmoqda”, — deyiladi NetBlocks xabarnomasida.
Internetni oʻchirish “behayolikning oldini olish” maqsadida Tolibon amalga oshirayotgan siyosat bilan bogʻlanmoqda.
Bundan oldin Xadji Attaulla Zaid nomli mahalliy hukumat vakili mamlakatda internetdan foydalanishni cheklash rejasi borligini aytgan edi. Uning soʻzlariga koʻra, aholining ehtiyojini qondirish uchun “alternativ yechim” tayyorlanmoqda.
Tavsiya etamiz
Ko‘p o‘qilganlar
- Jahon olimlari nigohi yana Oʻzbekistonga qaratildi
- Oʻzbekistonda dollar kursi pastladi
- “Bunyodkor” murabbiyi Sergey Arslanov vafot etdi
- Prezident Oʻzbekiston oʻqituvchi va murabbiylariga tabrik yoʻlladi
- Ekrandagi qabohatning hayotdagi aksi yoki yengil-yelpi seriallar jamiyatga nima beryapti?
- Nyu-York manzaralari
Izohlar
Hozircha hech kim fikr bildirmagan. Balki Siz birinchilardan bo'larsiz?
Izoh qoldirish uchun tizimga kiring