Тошкент вилоятида 43 нафар болага ноқонуний диний таълим берилаётгани аниқланди
Тошкент вилоятида ноқонуний диний таълим бериш ҳолатлари фош бўлди. Бу ҳақда Давлат хавфсизлиги хизмати хабар қилди.
Қайд этилишича, Давлат хавфсизлик хизмати ва Ички ишлар вазирлиги ходимлари ҳамкорлигида ўтказилган тезкор тадбирлар давомида, 21 ёшли ва 43 ёшли икки нафар ишсиз фуқаро ноқонуний диний ўқиш ташкил қилганликлари фош этилди.
Жумладан, 21 ёшли фуқаро Тошкент вилояти Зангиота туманида жойлашган хонадонлардан бирида 31 нафар болаларга, 43 ёшли фуқаро эса Тошкент туманидаги хонадонлардан бирида 12 нафар вояга етмаган болаларга диний сабоқ берган.
Ноқонуний фаолият юритган мазкур шахслар ҳамда болаларни тарбиялаш мажбуриятларини бажармаган ота-оналарга нисбатан қонунларда белгиланган тартибда жазо тайинланди.
Аввалроқ Наманган шаҳрида «Ислом Давлати Хуросон Вилояти» халқаро террористик ташкилотининг яширин «жамоати» фош этилгани ҳақида хабар қилгандик. Улар «жамоат» йиғилишларида халқаро террористик ташкилотлар ғоявий раҳнамоларининг «жиҳод» ва «шаҳидлик»ка чорловчи даъватлари фаол тарғиб қилишган.
Тавсия этамиз
Кўп ўқилганлар
- Аҳоли ва қишлоқ хўжалигини рўйхатга олишга тайёргарлик кўриш ва уни ўтказиш тартиби белгиланди
- Супер ой: Бугун Ернинг табиий йўлдоши одатдагидан анча катта кўринмоқда
- Самарқандда ЮНЕСКОнинг 43-сессиясига тайёргарлик авжида
- Марказий Осиё педагоглари Нукусда жам бўлди
- Ҳудудларда 34 та юқори технологияли саноат лойиҳалари амалга оширилади
- Эндиликда муддати ўтган товарларнинг сотилиши автоматик равишда чекланади
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг