Ўзбекистонликлар 2025 йилнинг дастлабки 3 ойида 6,8 миллион АҚШ долларига чет элга помидор сотди
2025 йилнинг январ-март ойларида Ўзбекистон томонидан 5 минг 869 тонна помидор экспорт қилинди. Бу ҳақда Миллий статистика қўмитаси маълум қилди. Қайд этилишича, ушбу маҳсулот экспортидан 6,8 миллион АҚШ доллари миқдорида тушум келиб тушган.
Экспорт қилинган помидорларнинг асосий қисми Россияга етказиб берилган. Уч ой давомида ушбу мамлакатга жами 5 минг 471 тонна помидор экспорт қилинди. Бу кўрсаткич умумий экспорт ҳажмининг мутлақ кўп қисмини ташкил этади ва Россия Ўзбекистон помидорининг энг йирик бозорларидан бири эканини яна бир бор тасдиқлайди.
Бундан ташқари, Қирғизистонга 190 тонна, Қозоғистонга 135 тонна, Бирлашган Араб Амирликларига эса 56 тонна помидор экспорт қилинган. Қолган 17 тонна помидор бошқа хорижий давлатларга етказиб берилган.
Мазкур кўрсаткичлар Ўзбекистоннинг сабзавотчилик соҳасидаги салоҳияти йилдан-йилга ортиб бораётганини кўрсатади. Айниқса, экспорт географиясининг кенгайиши ва сифатли маҳсулотлар билан бозорга чиқиш натижасида мамлакат иқтисодиётига сезиларли даромад келтирилмоқда.
Тавсия этамиз
Кўп ўқилганлар
- Саудия Арабистонида «Ўзбекистон маданияти кунлари» давом этмоқда
- Тошкентда «Ўзбеккосмос» ва «NASA» агентликлари ҳамкорлигида «NASA Space Apps Challenge 2025» Ҳакатон тадбири ўтказилмоқда
- Супер ой: Бугун Ернинг табиий йўлдоши одатдагидан анча катта кўринмоқда
- Аҳоли ва қишлоқ хўжалигини рўйхатга олишга тайёргарлик кўриш ва уни ўтказиш тартиби белгиланди
- Марказий Осиё педагоглари Нукусда жам бўлди
- Самарқандда ЮНЕСКОнинг 43-сессиясига тайёргарлик авжида
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг