Ўзбекистонлик ёшлар Гиннес рекордини янгилади
18 август куни Тошкент шаҳридаги «Янги Ўзбекистон» боғида янги Гиннес рекорди ўрнатилди. Бу ҳақда Олий таълим, фан ва инновациялар вазирлиги хабар қилди.
Қайд этилишича, боғда 1946 нафар ёш муҳандис бир вақтнинг ўзида 1946 та кичик роботни йиғиб, «Гиннес рекордлар китоби»га кирган.
Жараёнда жами 2 минг нафар ёш муҳандис қатнашди. Улардан 1000 нафари ҳудудлардаги олий таълим муассасаларидан, 930 нафари Тошкент шаҳридаги олийгоҳлардан, 50 нафари Президент таълим агентлиги тизимидаги мактаблардан, 20 нафари эса имконияти чекланган ёшлардан иборат бўлди. Улар 25 дақиқа ичида мини-роботларни йиғиб, ҳаракатга келтирганлар.
«Бу жараён нафақат ёшларнинг илмий-техник салоҳиятини намойиш этди, балки уларнинг изланувчанлиги, жамоавий ҳамжиҳатлиги ва янгилик яратишга бўлган интилишини ҳам ёрқин кўрсатди», дейилади хабарда.
Таъкидлаш жоиз, аввалги рекорд 2023 йилнинг 23 январида Ҳиндистонда ўрнатилган бўлиб, унда 1 459 нафар 6-синфдан 10-синфгача бўлган ўқувчи бир вақтда мини‑роботларни ясаган.
Тавсия этамиз
Кўп ўқилганлар
- Нодирбек Абдусатторов Прагадаги шахмат фестивалида чемпионликни қўлга киритди
- Матчанов Умирзак Сеитжановичнинг иқтисодиёт фанлари бўйича фалсафа доктори (PhD) диссертация ҳимояси эълони
- Яқин Шарқдаги кескинликнинг нархи: АҚШ, Исроил ҳамда Эрон уруш учун қанча сарфлаяпти?
- “Барселона” қийин ғалабани қўлга киритди
- Аёллар Осиё чемпионати мусобақасининг 3-тур ўйинлари давом эттирилди
- Трамп Эрондаги ҳарбий операция «деярли якунланганини» маълум қилди
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг