АҚШнинг Лос-Анжелес шаҳрида Америка киноакадемиясининг 98-«Оскар» мукофотини топшириш маросими бўлиб ўтди.

Тадбирни америкалик комик, телекўрсатувлар бошловчиси ва сценарист Конан ОʼБрайен олиб борди. Режиссёр Пол Томас Андерсон томонидан суратга олинган «Жангдан кейинги жанг» асари йилнинг энг яхши фильми деб топилди.

Қуйида бошқа номинациялар бўйича ғолиблар рўйхати келтирилган:

• «Энг яхши режиссёр» — Пол Томас Андерсон, «Жангдан кейинги жанг»;
• «Энг яхши актёр» — Майкл Б. Жордан, «Гуноҳкорлар»;
• «Энг яхши актриса» — Жесси Бакли, «Ҳамнет»;
• «Иккинчи пландаги энг яхши актёр» — Шон Пенн, «Жангдан кейинги жанг»;
• «Иккинчи пландаги энг яхши актриса» — Эми Мэдиган, «Қуроллар»;
• «Энг яхши оригинал сценарий» — Райан Куглер, «Гуноҳкорлар»;
• «Энг яхши мослаштирилган сценарий» — Пол Томас Андерсон, «Жангдан кейинги жанг»;
• «Энг яхши анимацион фильм» — Мэгги Кан, Крис Аппельханс ва Мишель Вонгнинг «Кей-поп: Демонлар овчилари» фильми;
• «Энг яхши қисқа метражли анимацион фильм» — «Марварид тўккан қиз» (Крис Лэвис ва Мацек Шербовски);
• «Энг яхши ҳужжатли фильм» — «Жаноб Ҳеч ким Путинга қарши» (Девид Боренштейн ва Павел Таланкин);
• «Энг яхши қисқа метражли ҳужжатли фильм» — «Барча бўш хоналар» (Жошуа Сэфтел);
• «Энг яхши хорижий фильм» — «Сентиментал қадрият» (Йоаким Триер);
• «Энг яхши қисқа метражли бадиий фильм» — «Қўшиқчилар» ва «Икки инсоннинг сўлак алмашинуви»;
• «Энг яхши кастинг» — Кассандра Кулукундис, «Жангдан кейинги жанг»;
• «Фильм учун ёзилган энг яхши мусиқа» — Людвиг Йоранссон, «Гуноҳкорлар»;
• «Фильмдаги энг яхши қўшиқ» — Golden («Кей-поп: Демонлар овчилари» фильмидан);
• «Энг яхши овоз» — F1 фильми жамоаси;
• «Энг яхши саҳналаштирувчи рассом иши» — Тамара Деверелл ва Шейн Вие, «Франкенштейн»;
• «Энг яхши операторлик иши» — Отем Дюральд Аркапоу, «Гуноҳкорлар»;
• «Энг яхши грим ва турмак» — «Франкенштейн» фильми жамоаси;
• «Энг яхши либослар дизайни» — Кейт Хоули, «Франкенштейн»;
• «Энг яхши монтаж» — Энди Юргенсен, «Жангдан кейинги жанг»;
• «Энг яхши визуал эффектлар» — «Аватар: Олов ва кул» фильми жамоаси.