Мактаб муаллимининг “хоббиси”
Кўпчилигимиз гапирадиган тўтилар ҳақида эшитганмиз. Наманганлик қуш ишқибози Мусохон Эгамбердиев хонадонида шундай паррандани парваришлайди. Асли ватани Жанубий Америка бўлган “Alexandrine” тўтиси “Салом”, “қалайсиз”, “хўжайин” сингари унча мураккаб бўлмаган қатор сўзларни ўзига хос талаффузда такрорлайди. Вилоят марказидаги 43 –умумтаълим мактабида жисмоний тарбиядан сабоқ бериб келаётган бу инсон ўз хоббиси бўлган қушчиликни хонадон бизнесига ҳам айлантирган. Унинг икки сотихли махсус ёпиқ жойида мингдан ортиқ қушлар бор.
— Бу ишни ўғлим Улуғбек билан бирга олиб борамиз, -дейди М. Эгамбердиев. –Аслида қушлар парвариши анча нозик юмуш. Лекин, уларнинг чуғур-чуғури, айниқса, гапиришга мойил тўтиларнинг сўзларидан киши яхшигина завқ олади.
Ноёб паррандаларга меҳр қўйган муаллим экзотик жониворлари турини вақти-вақти билан янгилаб туради. Яқинда унинг гапирадиган тўтиларидан бири бозорда 1500 долларга яқин баҳоланди.
Қудратилла НАЖМИДДИНОВ, “Халқ сўзи”.
Тавсия этамиз
Кўп ўқилганлар
- Нега биз ҳалигача ўзга сайёраликлар билан учрашмаганмиз?
- Аҳоли ва қишлоқ хўжалигини онлайн рўйхатга олиш бошланишига 3 кун қолди
- Президент прокуратура органлари ходимлари ва фахрийларига табрик йўллади
- “Катта сакраш” ёхуд Ўзбекистон сунъий интеллект ва рақамли технологиялар ривожида янги босқичга қадам қўйди
- Ўзбекистонда 2025 йилда 150 тоннадан ортиқ сифатли қон тайёрланган
- 16 январь куни баъзи жойларда қор ёғади
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг