Куртаклар кўз очар
Ҳасан ПАЙДОЕВ("Халқ сўзи") олган суратлар
Охирлаб бормоқда қишнинг нафаси,
Заҳри кетиб борар қорли кунларнинг.
Табиат уйғониш завқидан масрур,
Кўнгли юмшаб қолган совуқ тунларнинг.
Она замин кўкси нурдан илийди,
Зилол сувга тўлар ариқлар кафти.
Илдизлар шиддати музларни ёрар,
Қувват ато этар қуёшнинг тафти.
Қорли кўрпасини сидирар майса,
Уйғонар дарахтлар,
Уйғонар диллар...
Куртаклар кўз очар — бирам чиройли!
Баҳорни саболар қалбларга йўллар!
Умр дафтарида янги саҳифа —
Тириклик, яшнамоқ асли ҳикматдир.
Баҳор — табиатнинг энг ажиб сири,
Баҳор — кўнгил билан рангин суҳбатдир.
Дилдора МАРДИЕВА
Тавсия этамиз
Кўп ўқилганлар
- Ўзбекистондаги Ислом цивилизацияси марказига кириш нархлари эълон қилинди
- Тошкент вилоятида Абдулла Орипов уй-музейи очилди
- «Ўзгидромет» шошилинч огоҳлантириш эълон қилди
- Фарғонада Наврўз: тинч-осойишта ҳаёт завқи, дориламон кунлар шукронаси...
- Бен Кингсли иштирок этган Ислом цивилизацияси маркази ҳақидаги фильм New York Festivals 2026 финалига йўл олди
- АҚШ мудофаа харажатлари туфайли НАТО бўйича иттифоқчиларини ҳимоя қилишдан воз кечиши мумкин
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг