Архив сурат

Италиялик Европа Парламенти аъзоси Жанантонио да Ре Европада ҳалокатли Ғарбий Нил вируси тарқалишидан огоҳлантирди. Бу ҳақда унинг Еврокомиссияга мурожаатида қайд этилган.

«Европа озиқ-овқат хавфсизлиги бошқармасининг сўнгги ҳисоботидаги статистик маълумотларга кўра, Европа Иттифоқида Ғарбий Нил вируси билан касалланиш ҳолатлари кескин ошган. Хусусан, 2022 йилда Европада у билан энг юқори касалланиш даражаси этилди —1133 та ҳолат. Бу 2021 йилга нисбатан қарийб етти баравар кўп», — дейилади мурожаатда.

Шу муносабат билан депутат Еврокомиссия қўйидаги саволларни йўллади: Еврокомиссия Ғарбий Нил вирусининг Европада тез тарқалишидан хабардорми? У қандай қилиб вируснинг тарқалишига қарши курашмоқчи?

Жанантонио да Ре айтишича, вируснинг ўлим ва касалхонага ётқизиш даражаси сезиларли даражада юқори. Барча юқтирганларнинг қарийб 87 фоизи касалхонага ётқизилган. У билан зарарланганлардан 92 нафари ҳаётдан кўз юмган.

Аввалроқ, Россияда ҳам Ғарбий Нил вируси билан касалланиш ҳолати аниқланганди.

Ғарбий Нил вируси ўткир, тўлиқ ўрганилмаган иситмани келтириб чиқаради. У чивинлар томонидан юқади. Иситма асосан тропик ва субтропик минтақаларда кенг тарқалган, аммо сўнгги пайтларда дунёнинг тропик бўлмаган минтақаларида тобора кўп ҳолатлар қайд этилмоқда.