Фото: Reuters

Эрон АҚШ президенти Дональд Трампга ҳужум содир бўлган тақдирда Америка тупроғида ўзининг “ухлаб ётган” ячейкаларини фаоллаштиришга тайёрлиги ҳақида огоҳлантиришни етказган. Бу ҳақда “NBC News” икки америкалик расмийга таяниб хабар тарқатди.

Бу манбаларга кўра, Теҳрондан келган хабар Трампга Канададаги G7 саммитида воситачи орқали етказилган, шундан сўнг АҚШ президенти, телеканал суҳбатдошларига кўра, “Исроил ва Эрон ўртасидаги можаро билан боғлиқ бўлиши мумкин бўлган ҳаракатларини кўриб чиқиш” мақсадида тадбирни эрта тарк этган.

“NBC News” Оқ уй билан боғланиб, бу масала юзасидан изоҳ сўраган, бироқ жавоб олмаган. Бундан ташқари, Эроннинг БМТдаги доимий ваколатхонаси ҳам вазиятга изоҳ беришдан бош тортди.

22 июнга ўтар кечаси Трамп АҚШ мамлакат ҳарбий-ҳаво кучлари Эроннинг учта ядровий объектига, жумладан Фордо, Натанз ва Исфахонга ҳужум қилганини маълум қилди. Оқ уй раҳбари буни Қўшма Штатлар, Исроил ва бутун халқаро ҳамжамият учун “тарихий лаҳза” деб атади ва бу “ажойиб муваффақият”дан кейин Эрон тинчликка рози бўлиши кераклигини айтди.

Эрон эса АҚШ зарбалари унинг объектларига жиддий зарар етказмаганини даъво қилмоқда.