Бугун, 5 март куни Эрон томонидан учирилган ракета Озарбайжон таркибидаги Нахчиван Муxтор Республикаси ҳудудидаги аэропортга қулаб тушди. Дастлабки маълумотларга кўра, портлаш аэропорт яқинида содир бўлган, аммо биноларга жиддий зарар етмаган.

Маҳаллий оммавий ахборот воситаларининг хабар қилишича, ҳодиса оқибатида жабрланганлар ҳақида маълумот йўқ. Айни пайтда хавфсизлик мақсадида аэропорт атрофи ўраб олинган ва текширув ишлари бошланган. Расмий идоралар ҳодиса сабаблари бўйича текширув бошлаган.

Ҳудудда қўшимча хавф йўқлиги билдирилган, аммо яқин атрофдаги мактаблар эҳтиёт чораси сифатида вақтинча эвакуация қилинган. Ўқувчилар ва ўқитувчилар хавфсиз жойларга кўчирилган ва дарслар вақтинча тўхтатилган. Расмийлар вазият барқарорлашгач, ўқув жараёни давом эттирилишини маълум қилган.

Ушбу ҳодиса Эрон ва минтақа давлатлари ўртасидаги кескинлик давом этаётган бир пайтга содир бўлди. Ҳозирда ҳужумнинг аниқ сабаблари маълум эмас, бироқ агар ташқи таъсир тасдиқланса, бу минтақа хавфсизлигига оид масалаларни янада чигаллаштириши мумкин.

Ҳозирча расмий манбалар маълумот бергани йўқ. Шу боис жамоатчиликка вазият ҳақида фақат расмий маълумотларга ишониш тавсия этилмоқда.