Бўстон тумани ҳокимининг икки ўринбосари пора билан ушланди
Фото: Видеодан кадр
Андижон вилояти Бўстон тумани ҳокимининг икки нафар ўринбосари пора билан қўлга олинди. Бу ҳақда Давлат хавфсизлик хизмати хабар берди.
Маълумотларга кўра, инвестициялар ҳамда қишлоқ хўжалиги масалаларига масъул ўринбосарлар ўзаро тил бириктириб, туманда фаолият юритувчи фермер хўжалигининг 500 минг долларлик экспорт режасини сохта операциялар орқали ёпиб бериш эвазига 65 млн сўм пора талаб қилган.
Август ойида қишлоқ хўжалиги бўйича ўринбосар аванс тариқасида 25 млн сўм олган. У қолган 40 млн сўмни ҳокимнинг инвестиция масалалари бўйича ўринбосари орқали қабул қилиш жараёнида қўлга тушган.
Ҳозирда уларга нисбатан Жиноят кодексининг 210-моддаси 3-қисми «в, г» бандлари (бир гуруҳ мансабдор шахсларнинг олдиндан тил бириктирган ҳолда пора олиши) билан жиноят иши қўзғатилган ва улар қамоққа олинган.
Қайд этилишича, 2024 йил июль ойида ҳам Бўстон тумани ҳокимининг қишлоқ хўжалиги масалалари бўйича ўринбосари 10 минг доллар пора билан ушланган.
Тавсия этамиз
Кўп ўқилганлар
- Президент Ўзбекистон божхона соҳаси ходимларига табрик йўллади
- Тошкентда Осиё Олимпия кенгашига янги раҳбар сайланди (+фоторепортаж)
- «Янги Ўзбекистон юлдузлари» миллий мукофоти халқаро даражага кўтарилмоқда
- АҚШ Адлия вазирлиги Эпштейн иши бўйича 3 миллионта файлни эълон қилди
- Трамп Кубадан келаётган таҳдид сабаб АҚШда фавқулодда ҳолат эълон қилди
- Тошкентдаги Халқаро конгресс марказида Осиё Олимпия кенгашининг 46-Бош Ассамблеяси бўлиб ўтмоқда
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг