«Ал-Наср» навбатдаги ғалабасини қўлга киритди
Кеча, 21 февраль куни Саудия Арабистони Профессионал лигасининг 23-туридан ўрин олган баҳслар старт олди. Тур доирасидаги учрашувда «Ал-Наср» ўз майдонида «Ал-Ҳазм» клубини қабул қилди.
Учрашув 4:0 ҳисобида мезбонларнинг ишончли ғалабаси билан якунланди. Ҳисоб 13-дақиқада Криштиану Роналду томонидан очилди. 30-дақиқада Кингсли Коман устунликни мустаҳкамлаб, ҳисобни 2:0 кўринишига олиб келди. Биринчи бўлим шу ҳисоб билан тугади.
Иккинчи бўлимнинг 77-дақиқасида Анжело ҳисобни 3:0 қилди. Орадан икки дақиқа ўтиб, 79-дақиқада Криштиану Роналду учрашувдаги иккинчи голини киритиб, дубл расмийлаштирди.
Таъкидлаш жоизки, ушбу ўйиндан сўнг Роналду фаолиятидаги умумий голлари сонини 966 тага етказди. Португалиялик юлдузни «минглик довони»дан яна 34 та гол ажратиб турибди.
Тавсия этамиз
Кўп ўқилганлар
- Ўзбекистондаги Ислом цивилизацияси марказига кириш нархлари эълон қилинди
- Тошкент вилоятида Абдулла Орипов уй-музейи очилди
- Лойиҳаолди ва харид ҳужжатларини комплекс экспертиза қилиш тизими самарадорлиги оширилади
- «Ўзгидромет» шошилинч огоҳлантириш эълон қилди
- Тошкентда «заклатчик»ларни ушлаган инспекторга муддатидан олдин майор унвони берилди
- Тоғ-кон саноатидаги йирик инвестиция лойиҳаларини жадаллаштириш чора-тадбирлари муҳокама қилинди
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг