Foto: “Xalq soʻzi”

Sariosiyo tumanidagi “Toʻpolang” suv omboridan tushuvchi “kaskad”da “Toʻpolang”, “Zarchob 1” va “Zarchob 2” GESlari ishga tushirilgan boʻlib, ayni paytda “Zarchob 3” GES qurilishi davom etmoqda.

Bu yil “Toʻpolang” GES toʻliq rekonstruksiya qilinishi natijasida 175 mVt elektr energiyasi ishlab chiqarila boshlandi. Rejaga koʻra, 2024-yilda “Zarchob 3” GESi ishga tushiriladi. Shu tariqa 4 ta GESda 266,4 mVt elektr energiyasi ishlab chiqarishga erishiladi. Bu vohaning elektr energiyasiga boʻlgan 40 foiz ehtiyojini qoplaydi.

Bundan tashqari, viloyatda elektr energiya taʼminotini yaxshilash maqsadida 2023 yil yakuniga qadar Sherobod tumanida BAAning “Masdar” kompaniyasi tomonidan quvvati 457 MVt boʻlgan quyosh fotoelektr stansiyasi ishga tushirish rejalashtirilgan.

Oʻz navbatida Osiyo infratuzilma investitsiyalari banki tomonidan Surxondaryoda 1560 MVt quvvatga ega bugʻ-gaz elektr stansiyasini qurish koʻzda tutilgan boʻlib, ushbu loyiha Angor tumanidagi “Uchqizil” suv omborining shimoli-sharqida joylashgan hududda amalga oshiriladi.

Ilhom RAHMATOV, “Xalq soʻzi”.