Joriy yil 24-mart kuni Senatning Agrar, suv xoʻjaligi masalalari va ekologiya qoʻmitasi raisi oʻrinbosari Sayyora Abdikarimova MDHga aʼzo davlatlar Parlamentlararo Assambleyasi huzuridagi Ekologiya va tabiatdan foydalanish boʻyicha ekspertlar kengashi yigʻilishida onlayn shaklda ishtirok etdi.

Yigʻilishda Kengash faoliyatiga doir tashkiliy masalalar muhokama qilindi. Shuningdek, Kaspiy dengizi ekologik muammolari, Tojikistonda suv resurslari va ichimlik suvi taʼminoti, Belarusda yer osti suvlaridan foydalanish kabi mavzular yuzasidan maʼruzalar tinglandi.

Tadbir doirasida Orol dengizi bilan bogʻliq ekologik vaziyatga alohida eʼtibor qaratildi. Uning qurishi oqibatida yuzaga kelgan muammolarning aholi salomatligi va atrof-muhitga taʼsiri, shuningdek, ushbu oqibatlarni yumshatish boʻyicha Oʻzbekistonda amalga oshirilayotgan ishlar haqida maʼlumot berildi.

Shu bilan birga, ishtirokchilar 2027-yilda Bishkek shahrida oʻtkazilishi rejalashtirilgan “Bishkek+25” global togʻ sammiti va “Togʻli hududlarning barqaror rivojlanishi” xalqaro forumiga tayyorgarlik koʻrish masalalarini ham muhokama qildi.