Arxiv surat

Toshkent davlat agrar universitetini 2030-yilgacha boʻlgan innovatsion rivojlanish strategiyasini amalga oshirish boʻyicha 2020-yilga moʻljallangan “Yoʻl xaritasi” loyihasi eʼlon qilindi.

Qayd etilishicha, respublika hududlarini ijtimoiy-iqtisodiy rivojlantirish dasturlarida belgilangan vazifalar hamda yoshlarni oliy taʼlim qamrovini oshirish maqsadida “Toshkent davlat agrar universitetining Samarqand filiali”ni tashkil etish koʻzda tutilmoqda.

Bunda Samarqand filialida tashkil etiladigan taʼlim yoʻnalishlari va mutaxassisliklarining oʻquv-uslubiy taʼminotini yaratish rejalashtirilmoqda.

Shuningdek, 2020/2021 oʻquv yilidan Filial faoliyatini yoʻlga qoʻyish hamda malakali ilmiy-pedagogik kadrlar bilan toʻldirish nazarda tutilgan.

Shuningdek, 2025-yilga qadar Toshkent davlat agrar universitetini xalqaro eʼtirof etilgan tashkilotlar (Quacquarelli Symonds World University Rankings, Times Higher Education, Academic Ranking of World Universities) reytingining birinchi 1 000 ta oʻrindagi oliy taʼlim muassasalari roʻyxatiga kiritish ham belgilab qoʻyilgan.

Masʼul ijrochilar — prorektorlar (S.Islomov, K.Sultonov, I.Isroilov, A.Abduvosiqov, Sh.Sattorov).