Moskvada Markaziy Osiyo va Rossiya hamkorligiga bag‘ishlab o‘tkazilgan davra suhbatida taniqli iqtisodchi, Rossiya Fanlar akademiyasi xodimi Yelena Kuzmina ana shunday fikr bildirdi.
U Markaziy Osiyodagi zamonaviy siyosiy va iqtisodiy voqelik haqida so‘zlar ekan, O‘zbekiston mintaqada mutlaqo yangicha o‘rin tutayotganini e’tirof etdi.

Rossiyalik ekspert o‘z nutqida keyingi yillarda O‘zbekiston Markaziy Osiyodagi asosiy “nyusmeyker”ga aylanganini ta’kidladi. Mintaqada bugun kuzatilayotgan deyarli barcha jarayonda O‘zbekistonning hissasi mavjud. Respublikadagi ichki va tashqi islohotlar hozirgi kunda qizg‘in muhokamalarga sabab bo‘lmoqda. Mamlakat ichki siyosati hamda iqtisodiyotidagi o‘zgarishlar uning tashqi siyosatini samarali tarzda hayotga tatbiq qilish uchun qulay shart-sharoitlar yaratayotir.

— Mintaqaning ko‘plab mamlakatlari aynan O‘zbekistonga o‘z e’tiborini qaratayotgani bejiz emas, — deydi Ye. Kuzmina. — Rasmiy Toshkent Markaziy Osiyodagi siyosatini aniq belgilab olganki, uning ustuvor yo‘nalishlari yaxshi qo‘shnichilik aloqalarini rivojlantirish va bahsli masalalarni tinch yo‘l bilan hal qilishdir.

Ushbu yo‘nalishda mamlakatimiz tomonidan amalga oshirilgan chora-tadbirlarga yuksak baho bergan holda, mutaxassis Tojikiston va Qirg‘iziston bilan munosabatlarda erishilgan yutuqlar tarixiy ahamiyatga ega ekanligini e’tirof etdi.
Anvar MIRZAYEV
(«Xalq so‘zi») tayyorladi.