“Otalar soʻzi” boshlovchisi Mirabbos Mirzaahmedov vafot etdi
Oʻzbekistonda xizmat koʻrsatgan madaniyat xodimi, “Mehnat shuhrati” ordeni sohibi Mirabbos Mirzaahmedov 84 yoshida olamdan oʻtdi. Bu haqda “Milliy” telekanali xabar berdi.
Mirabbos Mirzaahmedov 1941-yil 30-sentyabrda Toshkent shahrida tugʻilgan. Teleradio sohasidagi ijodiy faoliyatini 1965-yilda boshlagan.
U “Bahor qaytmaydi”, “Qalbingga quloq sol”, “Dunyoning ishlari”, “Inson sadoqati”, “Billur qandillar”, “Eʼtirof” kabi ellikdan ziyod videofilmlarni, “Buni hayot deydilar” turkum koʻrsatuvlarini tasvirga olishda bosh-qosh boʻlgan.
Mirzaahmedov Oʻzbekistonda xizmat koʻrsatgan madaniyat xodimi unvoni, “Mehnat shuhrati” va “Doʻstlik” ordenlari bilan mukofotlangan. U umrining soʻnggi kunlarigacha – qariyb 9-yil davomida “Milliy” telekanali orqali efirga uzatiladigan “Otalar soʻzi” dasturining boshlovchisi va badiiy maslahatchi sifatida ishlagan.
“Xalq soʻzi” va “Narodnoye slovo” gazetalari tahririyati marhumning oila aʼzolari va yaqinlariga chuqur hamdardlik bildiradi.
Tavsiya etamiz
Ko‘p o‘qilganlar
- Nega biz haligacha oʻzga sayyoraliklar bilan uchrashmaganmiz?
- Aholi va qishloq xoʻjaligini onlayn roʻyxatga olish boshlanishiga 3 kun qoldi
- 16-yanvar kuni baʼzi joylarda qor yogʻadi
- Koʻrfaz arab davlatlari bozoriga bojsiz kirish imkoni yaratiladi
- Raqamli Oʻzbekiston uchun kiber-huquqshunoslar: Prezident Farmoni yuridik taʼlimning yangi davrini ochadi
- Oʻzbekiston Respublikasining xorijdagi diplomatlaridan iborat delegatsiya aʼzolari Islom sivilizatsiyasi markaziga tashrif buyurdi (+fotoreportaj)
Izohlar
Hozircha hech kim fikr bildirmagan. Balki Siz birinchilardan bo'larsiz?
Izoh qoldirish uchun tizimga kiring