Yoʻl qurilishi sohasi mansabdori pora bilan ushlandi
Yoʻl qurilishi sohasida noqonuniy holat fosh etildi. Bu haqida “Xavfsizlik” Telegram-kanali xabar berdi.
Unda aytilishicha, “Oʻzyoʻlkoʻprik” klasteri davlat muassasa Qoraqalpogʻiston Respublikasi filiali mansabdor shaxsining xizmat mavqeidan foydalangan holda noqonuniy harakatlanishiga chek qoʻyilgan.
Ushbu shaxs qurilish faoliyati bilan shugʻullanuvchi MCHJga oʻzining yuqori lavozimda ishlovchi tanishlari orqali “Beruniy-Toʻrtkoʻl” A380-sonli magistral yoʻl qurilishi loyihasining 5 kilometrlik ish hajmini olib berish evaziga 10 ming AQSH dollari talab qilgani oshkor boʻlgan.
Davlat xavfsizlik xizmatining Qoraqalpogʻiston Respublikasi boʻyicha boshqarmasi xodimlari tomonidan oʻtkazilgan tezkor tadbirda ushbu mansabdor shaxs soʻralgan pul mablagʻini MCHJ rahbaridan olgan vaqtida ashyoviy dalillar bilan qoʻlga olingan.
Hozirda ushbu shaxsga nisbatan Jinoyat Kodeksining 168-moddasi 3-qismi “v” bandi va 28,211-moddasi 1-qismi bilan jinoyat ishi qoʻzgʻatilib, tergov harakatlari olib borilmoqda.
Tavsiya etamiz
Ko‘p o‘qilganlar
- Nodirbek Abdusattorov Pragadagi shaxmat festivalida chempionlikni qoʻlga kiritdi
- Matchanov Umirzak Seitjanovichning iqtisodiyot fanlari boʻyicha falsafa doktori (PhD) dissertatsiya himoyasi eʼloni
- Yaqin Sharqdagi keskinlikning narxi: AQSH, Isroil hamda Eron urush uchun qancha sarflayapti?
- “Barselona” qiyin gʻalabani qoʻlga kiritdi
- Ayollar Osiyo chempionati musobaqasining 3-tur oʻyinlari davom ettirildi
- Tramp Erondagi harbiy operatsiya “deyarli yakunlanganini” maʼlum qildi
Izohlar
Hozircha hech kim fikr bildirmagan. Balki Siz birinchilardan bo'larsiz?
Izoh qoldirish uchun tizimga kiring