Fargʻonada 90 tup tol noqonuniy kesib tashlandi
Ijtimoiy tarmoqlarda Fargʻona viloyati Buvayda tumanida 100 tupga yaqin daraxtga shikast yetkazilgani haqida xabarlar tarqaldi. Mazkur holat yuzasidan viloyat Ekologiya, atrof-muhitni muhofaza qilish va iqlim oʻzgarishi bosh boshqarmasi munosabat bildirdi.
Bildirilishicha, vaziyat boshqarma tomonidan oʻrganilganida ushbu holat Buvayda tumani “Markaziy Fargʻona choʻli” hududida joylashgan “Qozokovul 2018” fermer xoʻjaligi yer maydonida sodir etilganligi aniqlangan.
Maʼlum boʻlishicha, fermer xoʻjaligi hududida 90 tup koʻp yillik tol daraxtlari noqonuniy ravishda kesilib, shikastlantirilgan. Oqibatda oʻsimlik dunyosiga yetkazilgan zarar miqdori 110 million soʻmdan ziyodni tashkil etgan.
Hozirgi kunda ushbu holat yuzasidan toʻplangan hujjatlar belgilangan tartibda sud organlariga yuborilishi koʻrib chiqilmoqda. Taʼkidlanishicha, Fargʻona viloyati Ekologiya bosh boshqarmasi tomonidan bu kabi qonunbuzarliklarga nisbatan qatʼiy choralar koʻrilishi taʼminlanadi.
Tavsiya etamiz
Ko‘p o‘qilganlar
- Nodirbek Abdusattorov Pragadagi shaxmat festivalida chempionlikni qoʻlga kiritdi
- Matchanov Umirzak Seitjanovichning iqtisodiyot fanlari boʻyicha falsafa doktori (PhD) dissertatsiya himoyasi eʼloni
- Yaqin Sharqdagi keskinlikning narxi: AQSH, Isroil hamda Eron urush uchun qancha sarflayapti?
- “Barselona” qiyin gʻalabani qoʻlga kiritdi
- Ayollar Osiyo chempionati musobaqasining 3-tur oʻyinlari davom ettirildi
- Tramp Erondagi harbiy operatsiya “deyarli yakunlanganini” maʼlum qildi
Izohlar
Hozircha hech kim fikr bildirmagan. Balki Siz birinchilardan bo'larsiz?
Izoh qoldirish uchun tizimga kiring