Foto: Xasan Paydo / “Xalq soʻzi”

— Jon Xopkins universiteti bergan maʼlumotlarga koʻra, dunyo boʻyicha koronavirusga chalinganlar soni 2,6 mln. nafardan oshdi, 185 mingdan ortiq bemor vafot etgan, 727 mingdan ziyodi tuzalgan.

Amerikada:

— AQSHda ishsizlik nafaqasini soʻrab murojaat qilganlar soni bir oyda 26 mln.dan oshdi. Virusni yuqtirganlar soni 846 mingdan koʻpaydi, 46 mingdan ziyod inson hayotdan koʻz yumdi..

— Kanada koronavirusga qarshi kurashishga 780 mln. dollar ajratmoqda.

Yevropada:

— JSST maʼlumotiga koʻra, Yevropada infeksiyani yuqtirish bilan bogʻliq holatlarning haftalik koʻrsatkichi chorak miqdorda oʻsgan.

— Italiyada bir sutkada tuzalganlar soni yuqtirganlar sonidan birinchi marta koʻpaydi: 3033 kishi tuzaldi, 2046 kishi kasal boʻldi. Mamlakatda bemorlar soni qariyb 190 ming nafar, 25,5 mingdan ortiq inson shu darddan vafot etdi.

— Buyuk Britaniyada ketma-ket ikkinchi kun oʻlim holatlari pasaymoqda. Mamlakatda bemorlar soni 139 mingdan koʻp, 18,7 ming bemor hayotdan koʻz yumgan.

— Xorvatiya bosh vaziri cheklov qoidalari bosqichma-bosqich bekor qilinishini eʼlon qildi.

— Fransiyada birdaniga hamma hududlarda karantinni bekor qilish ishlari oʻtkaziladi. Bugungi kunda bu yerda 157 mingdan ziyod bemor bor, 21,3 ming kishi vafot etgan.

Boshqa hududlarda:

— Yaponiyada bir sutkada 29 kishi dunyodan koʻz yumdi. Bu shu paytgacha qayd etilgan antirekorddir.

— Pokiston hukumati koronavirus tashuvchilarini topishda terrorchilarni qidirish uchun ishlab chiqarilgan tizimdan foydalanishmoqda.

— Indoneziya transport vazirligi havo va dengiz qatnovlari vaqtincha toʻxtatilganini maʼlum qildi.