Foto: “Xalq soʻzi”

Kuz va qish faslida mevali bogʻlarda amalga oshirilayotgan agrotexnik tadbirlar doirasida Sirdaryo viloyati Oʻsimliklar karantini va himoyasi boshqarmasining tumanlar boʻlimlari inspektorlari tomonidan   mevali bogʻlarga tutqichli belbogʻlar oʻrnatilmoqda.

— Ushbu tutqichli belbogʻlar tuxum qoʻyish uchun daraxtlardan yerga va keyin daraxtlarga chiqish uchun harakatlanayotgan zararkunanda hasharotlarni tutish hamda yoʻq qilish maqsadida qoʻllaniladi,- deydi Oʻsimliklar karantini va himoyasi   Sardoba tumani boʻlimi boshligʻi   Furqat Haydarov — Tuzoqli belbogʻning kengligi 20-25 santimetrni tashkil etib, poxol, somon qanorqop, porolon, polietilen kabi materiallardan tayyorlanadi. Daraxtlarning 40-45santimetr balandlikdagi silliq tana hamda novdalariga bogʻlab chiqiladi. Tuzoqli belbogʻlarni oʻrnatishda dastlab daraxtning belbogʻ oʻrnatiladigan joyi qurigan poʻstloq va shox -shabbalardan tozalanadi. Keyin esa daraxtga oʻrnatiladi.

Mutaxassislarning aytishicha, ushbu tadbir yuqori samaradorligi barobarida kam xarajatliligi bilan ham muhim ahamiyatga ega.

Ahmadali SHERNAZAROV, “Xalq soʻzi”.