Kecha, 13-noyabr kuni Birlashgan Arab Amirliklari hududida oʻtishi rejalashtirilgan “Al Ain Cup” turniri start oldi.

Dastlabki oʻyinda Eron terma jamoasi oʻz tarixida birinchi marta Jahon chempionati yoʻllanmasini qoʻlga kiritgan Kabo-Verde termasi bilan kuch sinashdi.

Uchrashuvning asosiy vaqti 0:0 hisobidagi durrang bilan yakunlandi. Penaltilar seriyasida esa “forslar“ 5:4 hisobida gʻalaba qozondi. Afrika vakili safida faqatgina “Ludogores” aʼzosi Deroy Duarte zarbada adashdi.

Shu tariqa Eron terma jamoasi musobaqaning dastlabki finalchisiga aylandi. Kabo-Verde terma jamoasi esa endi uchinchi oʻrin uchun oʻyinda ishtirok etadi.

Maʼlumot uchun, ushbu jamoalarning raqiblari bugun boʻlib oʻtadigan Oʻzbekiston — Misr uchrashuvidan keyin maʼlum boʻladi.

Eron — Kabo-Verde 0:0

Penaltilar seriyasi — 5:4.

13-noyabr, Al Ayn. “Hazza bin Zayd”

Eron: Beyranvand, Aliyari, Xalilzoda, Neʼmati (Muhammadi, 71), Ismoilifar (Hardani, 55), Izzatullohiy, Gorbani (Nurafkon, 55), Hussaynzoda (Hoshiminajod, 55), Mohabbi, Quddus (Alipur, 80), Taremi.

Kabo-Verde: Vozinya, Lenini, Stopira, Semedu, Borjes, Monteyru (Arkanjo, 60), Pina, Mendesh (Rodriges, 60), Duarte, Kabral (Paulo, 80), Livramento (da Krus, 60).