Сирдарёда кунига 100 тоннагача пахта териш қувватига эга машиналар иш бошлади (фото)

13:56 30 Сентябр 2019 Иқтисодиёт
599 0

Фото: «Халқ сўзи»

“Халқ сўзи Online”. Аҳмадали Шерназаров/Сирдарё. Сирдарё вилоятига Америка Қўшма Штатларининг “John Deere” компаниясида ишлаб чиқарилган энг сўнгги русумдаги олти қаторлик пахта териш машиналари келтирилди.

Мазкур инновацион пахта териш машиналари Сингапурнинг “Индорама” компанияси томонидан Оқолтин туманидаги пахта далаларида республикамизда илк бор синовдан ўтказилди.

У бирйўла терилган пахтани ғарамлаб, яъни қадоқлаб ҳам беради.Ҳар бир ғарам 2,5 тоннадан 2,7 тоннагача вазнга эга. Яна кам харажатли бўлиши баробарида иш унуми ҳам баланд. “John Deere 7760” пахта териш машинаси кунига 40-50 гектар майдондан 80-100 тоннагача пахтани териш қувватига эга.

Таққослаймиз. Агар “John Deere 7760” пахта териш машинаси кунига ўртача 90 тонна пахта терса,бу қўл теримидаги 1400 нафар кишининг меҳнатига тенг деганидир.

Энг муҳими, “John Deere 7760” анъанавий терим машиналаридан фарқли равишда пахтани тоза теради.

Ҳозирча вилоятга 15 дона юқори унумли ана шундай терим машинаси келтирилди. Улар воситасида кунига ўртача 1400 тонналик пахта хирмони яратилмоқда.

 


Изоҳлар

Ҳозирча ҳеч ким фикр билдирмаган. Балки Сиз биринчилардан бўларсиз?


Кўп ўқилганлар

Afisha

Президент топшириқлари қандай бажарилмоқда? Мутасаддилар жавоб берадилар

Ёдингизда бўлса, Президентимиз жорий йил 11 январь куни халқ депутатлари Самарқанд вилояти Кенгашининг навбатдан ташқари сессиясида туман ва шаҳар фаоллари мурожаатларини тинглар экан, улар кўтарган муаммоли масалаларни қисқа муддатда ҳал этиш юзасидан мутасаддиларга тегишли топшириқ ва кўрсатмалар берган эди.

05 Февраль 2019