Жанубий Кореяда кучли ёмғир туфайли содир бўлган сув тошқини ва кўчкилар оқибатида камида 32 киши ҳалок бўлди ва 10 нафардан ортиқ инсон бедарак йўқолди
Бугун эрталабки ҳолатга кўра, Жанубий Кореяда кучли ёмғир сабабли юзага келган сув тошқинлари ва кўчкилар оқибатида камида 32 киши ҳалок бўлди, 10 нафардан ортиқ инсон бедарак йўқолди ҳамда минглаб одамлар хавфсиз жойларга кўчирилди.
“Yonhap” маълумотига кўра, ўлим ҳолатларининг аксарияти Шимолий Кёнсанг вилоятида қайд этилган бўлиб, бу ерда 17 киши асосан кўчкилар ва тураржой биноларининг қулаши оқибатида нобуд бўлган ва тўққиз нафар инсон бедарак йўқолган.
Бугун эрталабки соат 6 даги ҳолатга кўра, 13 та шаҳар ва вилоятда яшаб келган 7 минг 540 нафар киши ўз уйларидан хавфсиз жойларга кўчирилган. Мамлакатда 211 та йўл ёпилган. Мустасно ўлароқ, тезюрар поездлар баъзи ҳудудларда ҳаракатни давом эттирган бўлсада, табиий офат зонасидаги барча поездлар ҳаракати тўхтатилган.
Жанубий Корея об-ҳаво агентлиги яқин кунларда кутилаётган кучли ёмғир ҳақида огоҳлантирмоқда.
Ўзбекистоннинг Сеулдаги Элчихонасига кўра, ўлганлар ва жароҳатланганлар орасида мамлакатимиз фуқаролари йўқ. Вазият Ўзбекистон дипломатлари назорати остида.
Тавсия этамиз
Кўп ўқилганлар
- “Лўлилар фақат тиланчими?...” Улар яшаётган маҳалладан фоторепортаж
- Ҳокимлик Тошкентни “юва бошлади“. Хўш, сув сепиш ҳаво ифлосланишини камайтирадими?
- Янгиланаётган Марказий Осиё: бирлик, дўстлик ва ҳамкорликнинг янги босқичи
- Ногиронлиги бўлган фуқароларга 30 млн сўмгача фоизсиз ссуда ажратилади
- «Адабиёт ва ҳаёт»: Султонбой Деҳқоновнинг шахсий фотокўргазмаси очилди (+фоторепортаж)
- Камбағалликни қисқартириш: пул эмас, ақл-идрок ва билим муҳим
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг