Архив сурат

Қирғиз Республикаси байроғи ўзгартирилмоқда. Мамлакат парламенти қонунни иккинчи ва учинчи ўқишда қабул қилди.

Байроқни ўзгартириш парламентда муҳокамасиз қабул қилинди. Ушбу ташаббусни 59 депутат маъқуллади, беш нафари эса қарши овоз берди. Натижада, мамлакат мустақиллигининг 31 йилидан кейин, давлатнинг асосий рамзи ўз қиёфасини ўзгартирмоқда. Янгиликлар байроқнинг марказий қисмидаги тасвирга таъсир кўрсатди. Энди у учта ўрнига тўртта устундан иборат бўлмоқда. Бу ердаги қуёш нурлари ҳам ўзгармоқда. Энди улар текис. Тўлқинли чизиқлар байроқнинг ўзгаришига сабаб бўлган. Қонун ташаббускорларининг фикрича, улар туфайли давлат рамзи кунгабоқарни эслатиши мумкин эди.

Ўзгартиришлар ташаббускорлари Жогорку Кенешнинг икки депутати бўлди. Бироқ сўнгги Халқ Қурултойида Президент Садир Жапаров байроқни ўзгартириш ғояси унга тегишли эканлигини айтди.

Аммо давлат рамзлари Жогорку Кенеш юрисдикциясига кирганлиги сабабли республика раҳбари парламент спикеридан қонун ташаббуси билан чиқишни сўраган.

“Президентлигим давомида 30 га яқин давлатда бўлдим. Икки томонлама учрашувларда икки давлат байроқлари кўрсатилиши шарт. Мендан мамлакатимизнинг устувор йўналиши нима, деб беш марта сўрашди. Улар бизни кўп кунгабоқар етиштиради, деб ўйлашди. Мен гап нима ҳақида бўлаётганини дарҳол тушундим. Байроқ кичик хатолар билан қабул қилинганини ва буни тузатиш мумкинлигини тушунтиришга тўғри келди”, дейди Садир Жапаров.

Қарши овоз берганлар мамлакат байроғини ўзгартириш катта харажатларга олиб келишини айтишди. Бироқ Садир Жапаров бунинг учун катта маблағ талаб қилинмаслигига ишонтирди.

“Байроқни ўзгартириш учун давлат бюджетидан бир сўм ҳам сарфланмайди. Ғояни молиялаштириш истагини билдирган ҳомийлар бор. Булар ўз мамлакатининг ватанпарварлари”, деди Қирғиз Республикаси парламенти спикери Нурланбек Шакиев.

Қайд этилишича, янги белгилар туфайли ҳужжатлар ўзгартирилмайди. Паспортлар, автомобиль рақамлари ва бошқалар амал қилиш муддати тугагунга қадар ишлатилади.