Николя Саркози қамоқдан суд назорати остида озод этилади
Франциянинг собиқ президенти Николя Саркозининг қамоқдан озод қилиниши ва суд назоратига ўтказилиши ҳақидаги адвокатлар аризаси Париж апелляция суди томонидан қондирилди, деб хабар берди “DW”.
Маълумотларга кўра, озод қилингач, сайловолди кампаниясини ноқонуний молиялаштиргани учун жазо олган собиқ президент электрон билагузук тақиб юриши шарт. Унга ўз иши бўйича айбланувчилар ва гувоҳлар билан мулоқот қилиш қатъиян тақиқланади.
Суд мажлисида видеоқатнашув орқали сўз олган Саркози қамоқдаги шароитни “жуда оғир ва ҳар томонлама чарчатувчи” деб атади.
Николя Саркози 2007–2012 йилларда Франция президенти лавозимини эгаллаган. Унга нисбатан тергов 2013 йилда бошланган. Суд сиёсатчининг президентлик кампанияси Ливия ҳукумати томонидан ноқонуний молиялаштирилганини аниқлаган.
Сентябрда суд Саркозини 5 йил озодликдан маҳрум қилиш жазосига ҳукм қилган эди. У 21 октябрдан бери Париждаги “Санте” қамоқхонасида жазо ўтаётган эди.
Тавсия этамиз
Кўп ўқилганлар
- АҚШ ва Британия Сурия муваққат президенти Ахмад аш-Шаръани «қора рўйхат»дан чиқарди
- G20 саммитининг Жанубий Африкада ўтказилиши шармандали ҳолат – Трамп
- «Олтин куз» II Халқаро камер ва симфоник мусиқа фестивали бўлиб ўтади
- Машинада хавфсизлик камарини тақиш мумкин бўлмаган касалликлар рўйхати тасдиқланади
- Ўзбекистон U-17 терма жамоаси Жаҳон чемпионатидаги иккинчи ўйинида мағлуб бўлди
- Ўзбекистон миллий терма жамоасининг халқаро мусобақа учун қайдномаси эълон қилинди
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг