UzAutoMotors oʻtkazgan 1,3 mlrd soʻmlik davlat xaridida qonun buzilishi holati aniqlandi
Korrupsiyaga qarshi kurashish agentligi UzAutoMotors oʻtkazgan 1,3 mlrd soʻmlik davlat xaridida qonun buzilish holatini aniqladi.
Qayd etilishicha, ijtimoiy tarmoqlarda UzAutoMotors tomonidan 8-iyul kuni oʻtkazilgan 1,3 mlrd soʻmlik davlat xaridida affillangan shaxslar ishtirok etib, gʻolib boʻlganligi yuzasidan xabarlar eʼlon qilingan.
Keltirilgan holatlar yuzasidan agentlik tomonidan oʻtkazilgan oʻrganishda ushbu xarid jarayonida ishtirok etgan tadbirkorlik subyektlarining rahbar va taʼsischilari yaqin qarindosh ekanligi, shu bois mazkur jamiyatlar affillangan shaxslar hisoblanishi maʼlum boʻlgan.
Xarid komissiyasi tomonidan yuqoridagi davlat xaridlarini amalga oshirishda Oʻzbekiston Respublikasi “Davlat xaridlari toʻgʻrisida”gi qonunning bir qator talablari buzilganligi sababli buyurtmachiga xarid natijalarini bekor qilish haqida taqdimnoma kiritildi.
Oʻrganish jarayonida toʻplangan hujjatlar aybdor shaxslarga qonuniy chora koʻrish uchun huquqni muhofaza qiluvchi organga yuborildi, deyiladi xabarda.
Tavsiya etamiz
Ko‘p o‘qilganlar
- “Matonatli Maryam” filmi keng jamoatchilikka taqdim etildi
- AQSH Yevropadan NATO majburiyatlarining asosiy qismini oʻz zimmasiga olishni talab qildi
- Ўзбекистон терма жамосининг Жаҳон чемпионатидаги ўйин саналари эълон қилинди
- FIDE jahon kubogi chempioni Javohir Sindarovni kutib olish marosimi boʻlib oʻtdi (+fotoreportaj)
- Oʻzbekiston milliy terma jamoasi uchun Jahon chempionati qurʼasi omadli oʻtdimi?
- Reuters: Asadning Moskvadagi tarafdorlari Suriyada qoʻzgʻolon rejalashtirmoqda
Izohlar
Hozircha hech kim fikr bildirmagan. Balki Siz birinchilardan bo'larsiz?
Izoh qoldirish uchun tizimga kiring