Foto: Global Look Press

AQSH prezidenti Donald Trampning Gʻazo sektori ustidan nazorat oʻrnatish haqidagi bayonotlari kulgili va absurddir. Bu fikrni Falastinning XAMAS harakatining rasmiy vakili Sami Abu Zuhriy “Reuters” agentligi bilan suhbatda aytib oʻtdi.

“Trampning Gʻazoni nazorat qilish istagi haqidagi bayonotlari kulgili va absurd va bu kabi har qanday gʻoyalar mintaqani alangalatishga qodir”, — deydi u.

Shu yilning 5-fevral kuni Tramp Gʻazo sektoridagi falastinliklarni qoʻshni davlatlarga koʻchirib oʻtkazgach, nazoratni oʻz qoʻliga olish rejasini eʼlon qildi. Isroil Bosh vaziri Binyamin Netanyahu bilan oʻtkazgan matbuot anjumanida u AQSH mintaqani qayta qurish va ish oʻrinlari yaratish, shuningdek, portlamagan oʻq-dorilar va boshqa qurollar tahdidini bartaraf etish uchun masʼul boʻlishini vaʼda qildi.

Trampning rejalari arab yetakchilari va HAMAS tomonidan qoralangan, ular Oq uy rahbarining takliflarini “quvib chiqarish” deb atagan. Oʻz navbatida, Netanyahu AQSH prezidentini qoʻllab-quvvatlab, u qoliplardan tashqarida oʻylashini va yangi gʻoyalarni taklif qilishini aytdi.