“Qutadg‘u bilig” dostoni qo‘lyozmasining faksimile nusxasi yaratiladi
Buyuk alloma Yusuf Xos Hojib tomonidan I asrda yozilgan “Qutadg‘u bilig” dostoni madaniy merosimizning bebaho durdonalaridan biridir. Bugungi kunda ushbu asarning nodir qo‘lyozmasi raqamlashtirilishi va faksimile nusxasi tayyorlanishi ko‘zda tutilmoqda.
O‘zbekistondagi Islom sivilizatsiyasi markazi xabariga ko‘ra, mazkur loyiha doirasida dostonning yozilish tarixi, tuzilishi, mazmuni va badiiy xususiyatlariga oid videorolik tayyorlanadi. Unda asarning tarixiy va adabiy ahamiyati keng yoritiladi. Shuningdek, “Qutadg‘u bilig”ning nodir nusxasidan tayyorlanadigan faksimile ekspozitsiyaga qo‘yiladi. Bu orqali tashrif buyuruvchilar asarni asl holatidagidek ko‘rish imkoniga ega bo‘ladilar.
Ushbu tashabbus O‘zbekistondagi Islom sivilizatsiyasi markazi ekspozitsiyasini boyitish, ajdodlarimizdan meros bo‘lib qolgan ilmiy va madaniy boyliklarni keng ommaga yetkazish yo‘lida muhim qadam sanaladi.
Tavsiya etamiz
Ko‘p o‘qilganlar
- Abduqodir Husanov yana bir bor “Real Madrid”ga qarshi oʻynaydi
- Bolalar saratoniga qarshi kurash: xalqaro hamkorlikdagi muhim qadam
- Oʻzbekistonning 7 ta moddiy va nomoddiy madaniy meros obyektlari AYSESKO roʻyxatiga kiritildi
- Superliganing 2026-yilgi mavsumi boshlanmoqda
- Har burchagida tarix yashiringan shahar — Londondan fotoreportaj
- Erkaklar ayollarga nisbatan koʻproq kaloriya isteʼmol qilishi kerakmi?
Izohlar
Hozircha hech kim fikr bildirmagan. Balki Siz birinchilardan bo'larsiz?
Izoh qoldirish uchun tizimga kiring