BAAdan keltirilgan 1200 ta yo‘rg‘a tuvaloqlar tabiat qo‘yniga qo‘yib yuborildi

19:24 04 Avgust 2023 Jamiyat
523 0

Foto: “Xalq soʻzi”

Yurtimizning Forish va Nurota tumanlari hududlarini qamrab olgan Qizilqum cho‘llariga Birlashgan Arab Amirliklarida ko‘paytirilib, O‘zbekistonga keltirilgan 1200 ta yo‘rg‘a tuvaloqlar qo‘yib yuborildi.

— Qushlar BAAning maxsus ixtisoslashgan markazlarida parvarishlanib mamlakatimiz muhitidek sharoitda boqilgan va qafaslarda olib kelingan, — deydi Ekologiya, atrof-muhitni muhofaza qilish va iqlim o‘zgarishi vazirligi Jizzax viloyat boshqarmasi matbuot xizmati rahbari Zamira Abdullaeva. — Qushlar quruq muhitga moslashganligi, butali va ochiq maydonlarga ega cho‘l hamda yarimcho‘l hududlarda yashashni afzal ko‘rishi bois ular Qizilqum cho‘li muhitiga tezda moslasha oladi.

Foto: “Xalq soʻzi”

Ma'lumot o‘rnida shuni ham aytib o‘tish kerakki, ushbu qushlar tabiatda ozuqa tanlamaydi. Asosan o‘simliklar va ularning urug‘lari, mayda kaltakesak, hasharotlar hamda boshqa umurtqasiz jonivorlar bilan oziqlanadi.

Tolibjon ERGAShEV, “Xalq so‘zi”.

Tavsiya etamiz

Izohlar

Hozircha hech kim fikr bildirmagan. Balki Siz birinchilardan bo'larsiz?