Самарқанд шаҳридаги Гулобод кўчасининг Г-34 кесишмасидан Самарқанд туманидаги Хўжа Аҳрори Вали мажмуасигача бўлган қисмида 6 қаторли автомобиль йўли қурилишини ташкил этиш белгиланган. Шу бўйича  2017 йил 4 октябрда Самарқанд шаҳар ҳокимининг тегишли қарори ҳам қабул қилинган. 

Шаҳар ҳокимлиги матбуот хизмати хабарига кўра, бугунги кунда мазкур кўчани қайта қуриш ишлари бошланди.

"Шу муносабат билан жамоат тартибини сақлаш ҳамда йўл ҳаракати хавфсизлигини таъминлаш мақсадида, мазкур кўчанинг иш олиб борилаётган қисмида транспорт воситаларининг ҳаракати вақтинча тақиқланади", - дейилади хабарда.