Марсда шаҳар қуриш қанча туради?

18:10 15 Август 2019 Дунё
200 0

Америкалик миллиардер Илон Маск Марсда ўзини ўзи таъминлайдиган цивилизация яратиш учун қанча маблағ кераклигини маълум қилди. Унинг фикрича, бунга 100 млрд. доллардан 10 трлн. долларгача маблағ кетади. Маск бу ҳақда Твиттердаги саҳифасида маълум қилди.

У бу баҳони Твиттердаги @marstronauts тахаллуси остидаги фойдаланувчи берган саволга жавоб тариқасида билдирган. У “Марсда тўлиқ ўзини ўзи таъминлайдиган цивилизациянинг ҳозирга баҳоси қанча?” деб сўраган. Маск буни Марсга юк жўнатиш қийматини юкка нисбатан экстраполяция (нарса ва ҳодисанинг бир қисмини кузатиш асосида олинган хулосаларни унинг бошқа қисмига ёйиш ёки татбиқ этиш) қилиш усулида ҳисоблаб чиққан. Унинг хомчўтларига кўра, “Қизил сайёра”га 1 млн. тонна фойдали юк юбориш қиймати 100 минг доллар туради.

Агар Марсда рисоладагидек шаҳар қурилиши учун 1 млн. тонна юк керак бўлса, унинг қиймати қарийб 100 млрд. доллар ва ундан зиёдни ташкил этади.

Бундан олдин Маск илк бор сайёралараро кема учун двигателни синовдан ўтказган эди. ишбилармон 2023 йилдан Ойга, кейинроқ Марсга парвозлар уюштиришни мўлжаллаяпти.


Изоҳлар

Ҳозирча ҳеч ким фикр билдирмаган. Балки Сиз биринчилардан бўларсиз?


Кўп ўқилганлар

Afisha

Президент топшириқлари қандай бажарилмоқда? Мутасаддилар жавоб берадилар

Ёдингизда бўлса, Президентимиз жорий йил 11 январь куни халқ депутатлари Самарқанд вилояти Кенгашининг навбатдан ташқари сессиясида туман ва шаҳар фаоллари мурожаатларини тинглар экан, улар кўтарган муаммоли масалаларни қисқа муддатда ҳал этиш юзасидан мутасаддиларга тегишли топшириқ ва кўрсатмалар берган эди.

05 Февраль 2019