Корея журналистлар ассоциацияси президенти “Халқ сўзи”га ташриф буюрди

12:12 09 Октябр 2019 Жамият
661 0

Фото: Ҳаким Йўлдошев / «Халқ сўзи»

Мамлакатимизга амалий ҳамкорлик муносабатларини ривожлантириш мақсадида келган Корея журналистлар ассоциацияси президенти Жунг Кю Сунг 9 октябрь куни “Халқ сўзи” ва “Народное слово” газеталари таҳририятига ташриф буюрди.

Бу ерда меҳмон Ўзбекистонда ахборот агентликлари ва босма нашрлар фаолияти ҳақида атрофлича маълумотга эга бўлди. Мулоқот давомида икки давлат оммавий ахборот воситалари ўртасидаги ҳамкорликни ривожлантириш хусусида сўз юритилди.

Корея журналистлар ассоциацияси раҳбари таҳририятдаги яратилган шароитлар билан яқиндан танишди. Газета ходимлари билан кечган мулоқотда қаламга олинаётган мавзуларнинг долзарблигига юқори баҳо берди.

 

Тавсия этамиз

Изоҳлар

Ҳозирча ҳеч ким фикр билдирмаган. Балки Сиз биринчилардан бўларсиз?