Автосалондан яна бир фуқарога пеня ундириладиган бўлди

15:03 06 Сентябр 2019 Жамият
166 0

Хабардорлик яхши-да! Яқиндагина интернет сайтларида “Самарқанд автосавдо” МЧЖдан суд қарорига асосан кечиктирилган кунлар учун фуқаро фойдасига 12 млн. сўм пеня ундирилганлиги ҳақидаги хабарлар тарқалган эди.

Фуқароларимизнинг ҳуқуқий саводхонлиги ошиб, ўз ҳуқуқ ва бурчлари, мажбуриятларини яхшироқ англаётгани, ҳуқуқларини тегишли ташкилотлар кўмагида ҳимоя қилаётгани қувонарли ҳол, албатта.

Буни қарангки, самарқандлик яна бир фуқаро Ш. Махмаюсупова ҳам “Самарқанд автосавдо” МЧЖдан “Дамас” русумли автомашина сотиб олиш учун тегишли тартибда шартнома тузиб, тўловларни (62 млн. сўмдан ортиқ) белгиланган муддатда тўлаган бўлишига қарамасдан, автосалон шартнома шартларини эътиборсиз қолдирган.

Шундан сўнг, Ш.Махмаюсупова ўзининг бузилган ҳуқуқларини тиклаш учун Самарқанд шаҳар истеъмолчилар ҳуқуқларини ҳимоя қилиш жамиятига ариза билан мурожаат қилган.

Жамият томонидан фуқаролик ишлари бўйича Самарқанд шаҳар судига йўлланган даъво аризаси қаноатлантирилиб, бу сафар ҳам истеъмолчи фойдасига қарор чиқарилди.

Суднинг 2019 йил 9 август кунги ҳал қилув қарорига кўра, автосалон фуқаро фойдасига ҳар бир кечиктирилган кун учун 12,5 млн. сўм пеня тўлайдиган бўлди.

Фикримизча, мазкур ҳолатлардан сўнг “Самарқанд автосавдо” МЧЖ фуқароларга автомашина етказиб бериш бўйича тузилган шартнома шартларини муддатида бажарадиган бўлса ажабмас.

Гулчеҳра Бердиёрова


Изоҳлар

Ҳозирча ҳеч ким фикр билдирмаган. Балки Сиз биринчилардан бўларсиз?


Кўп ўқилганлар

Afisha

Муштарийлар учун ажойиб янгилик!

Юқоридаги суратда бунинг учун нима қилиш лозимлигини томоша қилишингиз мумкин.

02 Декабрь 2019